ՌԴ-ն խտրականություն է դնում ԵՏՄ երկրների շրջանում գինու առցանց վաճառքի հարցում․ ամենից շատ տուժում է ՀՀ-ն

Լուրեր

19.11.2026 | 19:11
ՄԱԿ-ի դատարանը վճռել է, որ Մյանմարը ռոհինջաների նկատմամբ ցեղասպանություն է իրականացրել
19.11.2026 | 19:00
«Խոսելու ժամանակը կգա»․ դատավոր Գևորգ Պողոսյանը՝ իր մեղադրանքի մասին
19.11.2026 | 18:50
Նախարարը հորդորում է, որ համայնքի ղեկավարներն ինձ դատի տան, բայց ինքը չի տալիս․ Իրինա Յոլյան. ՏԵՍԱՆՅՈՒԹ
19.11.2026 | 18:37
Պուտինը պատմել է «փոխզիջումների» մասին, որոնց պետք է համաձայնել՝ պատերազմը դադարեցնելու համար
19.11.2026 | 18:29
Իտալական ակումբը պայմանագիր է կնքել շան հետ
19.11.2026 | 18:20
Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր
19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
Բոլորը

Եվրասիական տնտեսական հանձնաժողովը կարծում է, որ ալկոհոլի առցանց վաճառքի փորձի շրջանակում միայն ռուսական գինիների վաճառքի թույլտվությունը սահմանափակում է ԵՏՄ երկրների շահերը։ Սակայն կազմակերպության անդամների շրջանում միայն Հայաստանն է գինու խոշոր արտադրող, գրում է ՌԲԿ-ն։

Եվրասիական տնտեսական միության (ԵՏՄ) կարգավորող մարմինը կարծում է, որ Ռուսաստանում ալկոհոլի առցանց վաճառքի համար նախապատրաստվող փորձի ներկա պայմանները կարող են հակասել միության պայմանագրին և խտրականություն դրսևորել անդամ երկրների շահերի նկատմամբ (դրանք են Հայաստանը, Բելառուսը, Ղազախստանը և Ղրղզստանը): Նման եզրակացություն է պարունակում Եվրասիական տնտեսական հանձնաժողովի (ԵՏՀ) ձեռներեցության զարգացման դեպարտամենտի կողմից անցած տարվա դեկտեմբերի վերջին Ռուսաստանի նախագահի Պետաիրավական վարչություն ուղարկված նամակը։ Փաստաթուղթը հայտնվել է ՌԲԿ-ի տրամադրության տակ։

Լրատվականը տեղեկացնում է, որ դրա բովանդակության իսկությունը հաստատել է առցանց առևտրի շուկայի մասնակից և ալկոհոլի շուկայի խաղացողներից մեկը: ՌԲԿ-ն այս լուրի մեկնաբանության համար դիմել է տարբեր կառույցների։

ԵՏՄ կարգավորող մարմինը լրատվականին տրամադրած մեկնաբանությունում նշում է, որ «որոշ տեսակի ալկոհոլային ապրանքների» վաճառքի նոր հեռավար մեթոդի ներդրումը, ընդհանուր առմամբ, միջոց է, որը մեղմացնում է նման ալկոհոլային արտադրանքի շրջանառության կանոնները և քայլ է դեպի շուկայի ազատականացում, բայց պայմանով, որ այն կտարածվի այս տեսակի բոլոր ալկոհոլային ապրանքների վրա, այդ թվում՝ ԵՏՄ անդամ այլ երկրների կողմից արտադրվածների։

ՌԲԿ-ին ՌԴ Ֆինանսների նախարարության մամուլի ծառայությունից պարզաբանել են, որ օրինագիծը, որը փորձ է ենթադրում, միայն ժամանակավոր սահմանափակումներ է մտցնում մանրածախ վաճառքի համար, որը թույլ կտա գնահատել «պետական վերահսկողության արդյունավետությունը հեռահար կերպով ալկոհոլի մանրածախ վաճառքի հարցում, ինչպես նաև ալկոհոլի մանրածախ վաճառքի համար սահմանված արգելքների ու սահմանափակումների ապահովման հնարավորությունը»։

Wine Retail տեղեկատվական կենտրոնի ղեկավար Ալեքսանդր Ստավցևը կարծում է, որ միայն Հայաստանը կարող է դառնալ ԵՏՄ երկրներ ալկոհոլի առցանց վաճառքի փորձարկման մասնակիցների ցուցակի ընդլայնման շահառու։

«Չնայած գինու զգալի արտադրությանը՝ երկիրը դժվարություններ ունի ռուսական շուկայում ապրանքների առաջմղման հարցում։ Այն բավականին բարձր ինքնարժեք ունի՝ պայմանավորված բարձր լեռնային խաղողագործության առանձնահատկություններով և  արտադրության զգալի քանակով, ինչը նշանակում է, որ այդ ապրանքներին անհրաժեշտ է իրացման կոնկրետ ուղի»,- բացատրում է նա։

Ղազախստանի գինու մատակարարման ներուժը, ըստ Ստավցևի, փոքր է. երկրի խոշոր ձեռնարկությունները կոլեկտիվ մշակում են ընդամենը մոտ 3000 հեկտար խաղողի այգիներ, և արտահանման մեջ հավանական հետաքրքրության դեպքում արտադրության ծավալը շատ սահմանափակ է:

«Բելառուսը կարող է հիմնականում շահագրգռված լինել օղու և այլ թունդ ալկոհոլային խմիչքների մատակարարմամբ, ինչպիսիք են թեքիլան և վիսկին, որոնք արտադրվում են իր պետական ձեռնարկությունների կողմից, իսկ ղրղզական ալկոհոլը, ընդհանուր առմամբ, առկա է ռուսական շուկայում շատ սահմանափակ քանակությամբ»,- ասել է փորձագետը։

Տաթև Ֆռանգյան