02.06.2026 | 17:31
Արթուր Օսիպյանին ազատ արձակելու պահանջով ակցիա Դատախազության շենքի մոտ. ՈՒՂԻՂ
Արցախի նախագահը Բաքվի դեմ սանկցիաներ է պահանջում. Սասունիկից 10 մարդ է հոսպիտալացվել. Լուրեր
Քաղաքականություն
13.02.2023 | 13:49
- Լրացել է երկրորդ ամիսը՝ Բաքվի կողմից Լաչինի միջանցքը արգելափակելու օրվանից, ինչի առիթով՝ Արցախի նախագահ Արայիկ Հարությունյանը միջազգային հանրությանը կոչ է անում է «խոսքից անցնել գործի», մասնավորապես՝ պատժամիջոցներ սահմանել Ադրբեջանի դեմ։ Հարությունյանը հիշեցրել է, որ բոլոր մանկապարտեզները, տարրական և միջնակարգ դպրոցները փակվել են՝ երկրի շուրջ 20 000 երեխաներին և պատանիներին զրկելով նորմալ կրթությունից։ Դադարել են պլանային վիրահատությունները՝ այդպիսով լրացուցիչ վտանգի տակ դնելով շուրջ 600 քաղաքացու առողջությունն ու կյանքը:
- Լաչինի միջանցքի հետ կապված վիճակը Հայաստանի համար նախապայման չէ՝ Ադրբեջանի հետ բանակցությունները շարունակելու համար: Այս մասին այսօր խորհրդարանում հայտնել է ՔՊ պատգամավոր, ԱԺ արտաքին հարաբերությունների հանձնաժողովի նախագահ Սարգիս Խանդանյանը։ Նա նշել է, որ ռուսական կողմն այժմ նախապատրաստում է Հայաստանի և Ադրբեջանի ԱԳ նախարարների հանդիպում, սակայն դեռ պարզ չէ՝ Հայաստանի արտգործնախարարը կմասնակցի՞, թե՞ ոչ:
- Արագածոտնի մարզի Սասունիկ բնակավայրից 10 քաղաքացիների, (այդ թվում 4 անչափահաս) բժշկական կենտրոն է տեղափոխվել նախնական ախտորոշումը՝ թունավորում շմոլ գազից։ նշանակվել է տոքսիկոքիմիական փորձաքննություն, կնշանակվի նաև դատաբժշկական փորձաքննություն։
Այս ժամի լուրերը՝ տեսանյութում։
