ԱՄՆ-ի և Կանադայի երկնքում այս ամիս 4-րդ խորհրդավոր օբյեկտն է խոցվել․ ըստ Սպիտակ տան՝ դրանք նման չեն չինական հետախուզական աերոստատին

Լուրեր

19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
Բոլորը

Վերջին օրերին ամերիկյան Ալյասկայում և Կանադայում խոցված օբյեկտները նման չեն Հարավային Կարոլինայի ափերի մոտ խոցված չինական հետախուզական աերոստատին, դրանք շատ ավելի փոքր են։ Այս մասին հայտնել է Սպիտակ տան Ազգային անվտանգության խորհրդի ներկայացուցիչը, փոխանցում է VOA-ն:

«Այս առարկաները նման չէին ՉԺՀ-ի աերոստատին, շատ ավելի փոքր էին։ Մենք դրանց վերջնական բնութագրում չենք տա, մինչև դուրս չբերենք բեկորները, ինչի ուղղությամբ ներկայում աշխատում ենք»,- ասել է նա:

Հայտարարությունն արվել է՝ ի պատասխան Սենատի մեծամասնության առաջնորդ Չակ Շումերի այն մեկնաբանության, որ ըստ ամերիկացի պաշտոնյաների՝ շաբաթ Կանադայի երկնքում խոցված օբյեկտը և մեկ այլ թռչող օբյեկտ, որը խոցվել է ուրբաթ Ալյասկայի Դիդհորսի մոտակայքում, աերոստատներ են:

Առաջին աերոստատը խոցվել է Հարավային Կարոլինայի ափերի մոտ փետրվարի 4-ին, երկրորդը՝ օվկիանոսի վրա՝ Ալյասկայի Դեդհորսի մոտակայքում ուրբաթ, իսկ երրորդը ոչնչացվել է շաբաթ՝ Կանադայում՝ Յուկոնի երկնքում:

ԱՄՆ իշխանությունները 24 ժամվա ընթացքում երկու անգամ կարճ ժամանակով փակել են օդային տարածքը։ Կիրակի Դաշնային քաղաքացիական ավիացիոն վարչությունը կարճ ժամանակով փակել է  Միչիգան ​​լճի տարածքը: Մինչ այդ, շաբաթ ռադիոտեղորոշիչները ցույց են տվել անոմալիաներ, և Մոնտանայում գտնվող ԱՄՆ զինվորականները հետախուզության համար մարտական ​​ինքնաթիռներ են օդ բարձրացրել:

«Նրանք կարծում են, որ դրանք եղել են աերոստատներ, այո՛, բայց շատ ավելի փոքր, քան առաջինը»,- ասել է Շումերը:

Սենատորը նշել է, որ վստահ է՝ Հարավային Կարոլինայի ափերի մոտ օվկիանոսում խոցված առաջին աերոստատի բեկորները հայտնաբերելուց հետո կպարզվի, թե ինչի համար է այն օգտագործվել։

Սպիտակ տունը հայտարարել է, որ վերջերս խոցված օբյեկտներն «այնքան էլ նման չեն» չինական աերոստատին՝ կրկնելով Շումերի նկարագրությունը, որ դրանք «շատ ավելի փոքր» են, քան առաջինը: Նաև կիրակի ԱՄՆ զինվորականները թռչող օբյեկտ են խփել Հուրոն լճի վրա՝ ԱՄՆ-Կանադա սահմանի մոտ, հայտնել են ամերիկացի պաշտոնյաները: Սա այս ամսվա ընթացքում արդեն չորրորդ նման խոցումն է։

Կանադայի իշխանությունները ևս կիրակի փակել են օդային տարածքը Օնտարիոյի շրջանում՝ Թոբերմորիի մերձակայքում, Հուրոն լճի վրա՝ ԱՄՆ-ի հետ սահմանի մոտ:

Ելույթ ունենալով Fox News հեռուստաալիքի եթերում՝ ԱՄՆ Ներկայացուցիչների պալատի արտաքին հարաբերությունների հանձնաժողովի նախագահ Մայքլ Մաքքալն ասել է, որ Հարավային Կարոլինայի ափին խոցված աերոստատի առաքելությունն է եղել՝ ստանալ ամերիկյան միջուկային օբյեկտների լուսանկարները։

«Նրանք ցանկանում են լուսանկարներ, հետախուզական տվյալներ ստանալ մեր ռազմական հնարավորությունների մասին, հատկապես՝ միջուկային»,- ասել է Մաքքալը:

Տաթև Ֆռանգյան