Տնտեսություն
13.02.2023 | 11:10Երևանի քաղաքապետարանի գործակարգվարական խորհրդակցության այսօրվա նիստում քաղաքապետ Հրաչյա Սարգսյանը Շինարարության և բարեկարգման վարչության պետի պաշտոնակատար Խորեն Գրիգորյանից հետաքրքրվեց, թե արդյոք կանգառասրահների նստարանները, որ ժանգոտած էին, ներկե՞լ են:
Ստանալով դրական պատասխան, նա շարունակեց. «Սխալ են արել, տեխնիկական բնութագրով գրված է, որ պետք է փոշեներկված լինեն, փոշեներկումը նշանակում է, որ վառարանի միջով պետք է անցնի, իսկ իրենք սահմանափակում են դրել, լենտերն էլ օդում թռնում էին, ես եմ կտրել:
Մրցույթը հաղթող կազմակերպությունը, որ դա արել է, ենթադրում եմ՝ բոլոր նստարանները նույն ձևով է արել, այսինքն՝ չի փոշեներկել: Փորձաքննության տալ պետք չէ, ակնհայտ երևում է, որ փոշեներկված չէ: Պետք է առանձնացնի նստարարները, տանի առանձին վառարանի մեջ փոշեներկում իրականացնի, բերի հետ դնի տեղը:
Ու պետք չէ, որ որտեղ ես եմ բնակվում, միայն այդտեղի կանգառների նստարանները փոշեներկվեն։ Բոլոր տեղերը ես բնակվում եմ»:
Մանրամասները՝ տեսանյութում։
