09.10.2026 | 11:24
Ադրբեջանի քաղաքացին դիմել է Նիկոլ Փաշինյանին՝ «Հայաստանում ապաստան ստանալու» խնդրանքով․ ՏԵՍԱՆՅՈՒԹ
Ադրբեջանի Մեջլիսի նախագահը պաշտոնական այցով ՌԴ-ում է
Քաղաքականություն
13.02.2023 | 11:33
Ադրբեջանի խորհրդարանական պատվիրակությունը՝ Միլլի Մեջլիսի նախագահ Սահիբա Գաֆարովայի գլխավորությամբ, պաշտոնական այցով նախօրեին ժամանել է Ռուսաստանի Դաշնություն, գրում են տեղական լրատվամիջոցները։
Պատվիրակության կազմում են Մեջլիսի փոխխոսնակ Ադիլ Ալիևը, խորհրդարանական հանձնաժողովների նախագահներ Զիյաֆեթ Ասկերովը, Բախտիյար Ալիևը, ադրբեջանառուսական միջխորհրդարանական հարաբերությունների աշխատանքային խմբի ղեկավար Նիզամի Սաֆարովը, խմբի անդամներ Սևինջ Հուսեյնովան, Ամինա Աղազադեն, Մեջլիսի աշխատակազմի ղեկավար Ֆարիդ Հաջիևը և այլ պաշտոնատար անձինք։
Օդանավակայանում ադրբեջանական պատվիրակությանը դիմավորել են ՌԴ Պետդումայի փոխնախագահ Ալեքսեյ Գարդեևը, Մոսկվայում Ադրբեջանի դեսպան Փոլադ Բյուլբյուլօղլուն և այլ պաշտոնյաներ։ Սպասվում են Գաֆարովայի հանդիպումները Պետդումայի ու Դաշնային խորհրդի նախագահների հետ։ Այցի օրակարգից այլ մանրամասներ չեն հաղորդվում։
Էմմա Չոբանյան
