16.08.2026 | 20:10
Ուկրաինան սկսել է բրիտանական անօդաչուներ օգտագործել Ռուսաստանի խորքում գտնվող թիրախներին հարվածելու համար․ The Sunday Times
Հայտնի է Կիպրոսի նոր նախագահի անունը
Քաղաքականություն
12.02.2023 | 21:41
Անկախ թեկնածու Նիկոս Խրիստոդուլիդեսը հաղթել է Կիպրոսի նախագահական ընտրություններում. «ՌԻԱ Նովոստի»-ի փոխանցմամբ՝ քվեաթերթիկների 100 տոկոսի հաշվարկի արդյունքում նա հավաքել է ընտրողների ձայների 51,91 տոկոսը, պաշտոնական արդյունքները հրապարակել է Կիպրոսի ներքին գործերի նախարարությունը:
Անկախ թեկնածու Անդրեաս Մավրոյանիսը, որին աջակցել է հիմնական ընդդիմադիր կուսակցությունը՝ Կիպրոսի աշխատավոր ժողովրդի Առաջադիմական կուսակցությունը, հավաքել է ձայների 48,09 տոկոսը:
Ընտրությունների մասնակցել է ընտրողների 72,45%-ը։
Ավելի ուշ ընտրական հանձնաժողովի նախագահ Կոստաս Կոնստանտինուն «Տասոս Պապադոպուլոս-Էլեֆթերիա» մարզադաշտում կայանալիք հատուկ արարողության ժամանակ պաշտոնապես կհայտարարի Կիպրոսի նոր նախագահի անունը:
Կիպրոսի նախագահն ընտրվում է հինգ տարի ժամկետով։
