25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Յենս Ստոլտենբերգը ցանկանում է աշնանը լքել ՆԱՏՕ-ի ղեկավարի պաշտոնը
Քաղաքականություն
12.02.2023 | 16:24
ՆԱՏՕ-ի գլխավոր քարտուղար Յենս Ստոլտենբերգը չի նախատեսում ևս մեկ անգամ երկարաձգել իր պաշտոնավարման ժամկետը, որն ավարտվում է 2023 թվականի սեպտեմբերի 30-ին: Այս մասին հայտնում է գերմանական dpa գործակալությունը՝ հղում անելով դաշինքի ղեկավարի ներկայացուցիչ Օանա Լունգեսկուին, փոխանցում է «Ռիա Նովոստին»։։
Ստոլտենբերգը պաշտոնավարում է գրեթե ինը տարի։ Վերջին անգամ ՆԱՏՕ-ի գլխավոր քարտուղարի պաշտոնավարման ժամկետը երկարացվել է անցյալ տարվա մարտին։
Միևնույն ժամանակ, ինչպես գրում է գերմանական Welt am Sonntag թերթը, դաշինքի անդամ երկրների միջև ոչ պաշտոնական պայմանավորվածություն կա երկարաձգել Ստոլտենբերգի մանդատը մինչև 2024 թվականի գարուն, որպեսզի ապրիլին նա կարողանա նախագահել Վաշինգտոնում կայանալիք գագաթնաժողովը, որը նվիրված է ՆԱՏՕ-ի 75-ամյակին: Այս մասին հաղորդում հրատարակչությունը հայտնել է՝ վկայակոչելով դիվանագիտական շրջանակների աղբյուրները։
