07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Սերդար Քըլըչը շնորհակալություն է հայտնել Հայաստանին մարդասիրական օգնության համար․ ԼՈՒՍԱՆԿԱՐՆԵՐ
Քաղաքականություն
11.02.2023 | 13:16
Հայաստան-Թուրքիա հարաբերությունների կարգավորման գործընթացում թուրքական կողմի հատուկ բանագնաց Սերդար Քըլըչը շնորհակալություն է հայտնել հայկական կողմին մարդասիրական օգնություն տրամադրելու համար։
«Շնորհակալություն հարգելի Վահան Կոստանյան, շնորհակալություն հարգելի Ռուբեն Ռուբինյան ձեր բարի ջանքերի համար, սա (օգնությունը-խմբ․) իրականացնելու համար։ Ես միշտ կհիշեմ Հայաստանի ժողովրդի կողմից ուղարկված առատաձեռն օգնությունը՝ օգնելու մեղմել մեր ժողովրդի տառապանքները Թուրքիայի երկրաշարժից տուժած շրջանում»,- գրել է Քըլըչը թվիթերյան իր էջում և հրապարակել բեռնատարների լուսնանկարները։
Նշենք, որ ՀՀ արտաքին գործերի փոխնախարար Վահան Կոստանյանը թվիթերի իր միկրոբլոգում արված գրառմամբ տեղեկացրել էր, որ Հայաստանը երկրաշարժից տուժած Թուրքիային մարդասիրական օգնություն է առաքել Մարգարա կամրջով․ «Հայաստանի մարդասիրական օգնությունն անցել է Հայաստան- Թուրքիա սահմանի Մարգարա կամրջով՝ շարժվելով դեպի երկրաշարժից տուժած շրջան»։
Հավելենք, որ Հայաստանը նաև փրկարարների խումբ է ուղարկել Թուրքիայի երկրաշարժից տուժած Ադըյաման բնակավայր։
Էմմա Չոբանյան
