18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Սեյրան Սարոյանը տեղյակ չէ՞ր՝ ինչով է կերակրում իր մտերիմ ընկեր Մանվել Գրիգորյանը իր արջերին և վագրերին, երբ երկու տարի առաջ խոսում էր զիվորի հացը գողացողների մասին․ ՏԵՍԱՆՅՈՒԹ
Քաղաքականություն
18.06.2018 | 11:58
Երեկ ԱԱԾ-ը տարածեց տեսանյութ «Հանրապետական» խմբակցության պատգամավոր, գեներալ Մանվել Գրիգորյանի տանը կատարված խուզարկությունների վերաբերյալ, որից պարզ դարձավ, որ Մանվել Գրիգորյանն իր կենդանաբանական այգում պահող կենդանիներին կերակրել է զինվորների համար նախատեսված սնունդով։
Այս տեսանյութից հետո լրագրողների ուշադրության կենտրոնում հայտնվեց Մանվել Գրիգորյանի մտերիմ ընկեր Սեյրան Սարոյանի՝ դեռևս 2016 թվականին ԱԺ ամբիոնից արված հայտարարությունը, որը վերաբերում էր բանակում կատարվող չարաշահումներին․«Հիմա ասում են մեր գեներալները գող ավազակ են, գյուղ կա որ շուն չլինի, ասում ենք ունենք ուժեղ բանակ, հզոր բանակ, ու ինչ ցեխ ասես շպրտեցիքն, ինչ ա մի քանի անբարոյական մարդիկ կան մեր բանակում, կան, հանել են շպրտել դուրս։ Պետք ա թող դատախազությունը կանչի մարդկանց ճշտի, ճշտվի, ես իմ ընգերների հետ համաձայն եմ, բա զինվորի հացը գողցել են, ըտենց ո՞նց կարան տանեն ուտեն, իհարկե պիտի պատասխան տան»,-ասել էր գեներալը։
Հետաքրքիր ՝ Սեյրան Սարոյանը տեղյակ չէր, թե ինչով են սնվում իր մտերիմ ընկերոջ արջերն ու վարգերը։
Հուսանք՝ մշտապես լրագրողների հարցերին ժպիտով պատասխանող Սեյրան Սարոյանը նույն պատրաստակամությամբ կպատասխանի նաև այս հարցին։
Մանրամասները՝ տեսանյութում։
