07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Թուրքիայում տեղի ունեցած երկրաշարժերը լուրջ ազդեցություն չեն ունենա ՀՀ սեյսմիկ ռեժիմի վրա. ՏԵՍԱՆՅՈՒԹ
Տեսանյութեր
10.02.2023 | 15:46
Թուրքիայում տեղի ունեցած ավերիչ երկրաշարժերը դժվար թե ազդեցություն ունենան Հայաստանի սեյսմիկ ռեժիմի վրա, քանի որ երկրաշարժերի օջախը բավականին հեռու է Հայաստանի տարածքից։ Այս մասին այսօր «Հայաստանը՝ սեյսմիկ գոտում. որքանո՞վ են պահպանվում քաղաքաշինական նորմերը» թեմայով քննարկման ժամանակ նշեց երկրաբանական գիտությունների ինստիտուտի գիտաշխատող Հրաչյա Պետրոսյանը։
Նրա դիտարմամբ՝ այն սեյսմոակտիվ խզվածքը՝ արևելա-անատոլիականը, որի գոտուն հարում են երկրաշարժերի օջախները, հիմնական ցնցումների արևելյան հատվածում թեքվում և միանում է հյուսիս-անատոլիական խզվածքին և թեքվում դեպի հարավ-արևելք՝ շրջանցելով մեր հանրապետության տարածքը․ «Այս երկուսը նկատի ունենալով, կարծում եմ, որ իրական, լուրջ ազդեցություն չի կարող ունենալ մեր երկրի վրա»։
«Ինչ վերաբերում է Հայաստանի սեյսմիկ ռեժիմին, այն այսօր ֆոնի սահմաններում է, էական լուրջ երկրաշարժեր չեն գրանցվում․«Կան առանձին թույլ ցնցումներ, որոնք ֆիքսվում են սեյսմոգրաֆերի կողմից, իրական ուժեղ, միջին ուժգնության երկրաշարժեր մենք հիմա չունենք Հայաստանի և Արցախի տարածքներում»,- ընդգծեց մասնագետը։
Մանրամասները՝ տեսանյութում։
