Քաղաքականություն
10.02.2023 | 16:26
Սիրիայի դեմ որոշ պատժամիջոցներ պետք է չեղարկվեն, որպեսզի մարդասիրական համայնքը կարողանա դեղամիջոցներ և այլ անհրաժեշտ պարագաներ մատակարարել երկիր երկրաշարժից հետո։ Այս մասին ասել է Պարենի համաշխարհային ծրագրի (ՊՀԾ) Մերձավոր Արևելքի տարածաշրջանային տնօրեն Կորին Ֆլեյշերը, փոխանցում է ՌԻԱ Նովոստին:
«Կա երկու ապրանք, որոնք դժվար է ներմուծել երկիր: Մենք միավորում ենք ուժերը դրանց արտահանման համար, քանի որ մարդասիրական համայնքը պետք է կարողանա դեղեր, պարարտանյութեր և այլ սարքավորումներ մտցնել Սիրիա: Այսպիսով, այո՛, մենք պետք է որոշ պատժամիջոցներ չեղարկենք»,- ասել է նա ՄԱԿ-ում ճեպազրույցի ժամանակ:
Սիրիայում երկրաշարժը գրանցվել է Հալեպ, Լաթաքիա, Համա և Տարտուս նահանգներում։ Երկրի Առողջապահության նախարարության վերջին տվյալների համաձայն՝ Սիրիայում 1,347 մարդ է մահացել, ավելի քան 2,000-ը՝ վիրավորվել։
Տաթև Ֆռանգյան
