16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ուկրաինայի ամբողջ տարածքում օդային տագնապ է հայտարարվել․ Խարկովի, Զապորոժիեի և Դնեպրի ուղղությամբ տասնյակ հրթիռներ են արձակվել
Քաղաքականություն
10.02.2023 | 13:27
Ուկրաինայում կրկին օդային տագնապ է հայտարարվել։ Ժամը 08:27-ին Կիևում սկսել են ազդանշաններ հնչել, իսկ մի քանի րոպե անց տագնապի ահազանգը տարածվել է երկրի ամբողջ տարածքում, գրում է «Ուկրաինսկայա պրավդան»։
Ահազանգը նշանակում է հրթիռային հարձակումների և օդային հարվածների սպառնալիք։
Ավելի վաղ Կիևի քաղաքային վարչակազմը, մեկնաբանելով Ուկրաինայի տարածքում գիշերային հարվածները, հայտնել էր, որ գործարկվել է Shahed անօդաչու թռչող սարքերի խումբ, որոնց թիրախը եղել են Ուկրաինայի հակաօդային պաշտպանության ուժերի տեղակայման դիրքերը և էներգետիկ օբյեկտները։ Այնուհետև «Խարկովի, Զապորոժիեի և Դնեպրի ուղղությամբ տասնյակ հրթիռներ են արձակվել»։
«Ցավոք, կան խոցումներ»,- ասվում է հաղորդագրության մեջ։
Բացի այդ, Ուկրաինայի իշխանությունները հայտնել են, որ օդ են բարձրացվել Tu-95 ռազմավարական ռմբակոծիչները, որոնք կարող են կրել թևավոր հրթիռներ։
Ավելի վաղ տեղեկություններ էին հայտնվել Զապորոժիե քաղաքի հրետակոծության մասին. քաղաքային խորհրդի քարտուղար Անատոլի Կուրտևն իր Telegram-ալիքում գրել է, որ «մեկ ժամում արձանագրվել է հակառակորդի 17 հրթիռ»։
«Սա ամենամեծ թիվն է լայնամասշտաբ ներխուժման մեկնարկից ի վեր»,- գրել է նա։
Ըստ Կուրտևի՝ հարձակման են ենթարկվել էներգետիկ ենթակառուցվածքների օբյեկտները, ավերածությունների ու զոհերի մասին տեղեկությունները ճշտվում են։
Ռուսական կողմը դեռևս չի մեկնաբանել հարվածների մասին տեղեկությունը։
Տաթև Ֆռանգյան
