Ֆրանսիան սպառնում է՝ եթե ՀՀ-ին հարկադրեք պայմանագիր, կճանաչենք Արցախի անկախությունը․ Անդրիաս Ղուկասյան․ ՏԵՍԱՆՅՈՒԹ

Բաքվում ՌԴ դեսպանը հայտարարել է, թե ԵՄ-ի գործողություններն ուղղված են Ռուսաստանին ադրբեջանա-հայկական հարաբերությունների կարգավորման գործընթացից հեռացնելուն։ Ըստ ռուսաստանցի պաշտոնյայի՝ դիտորդական առաքելությունը ԵՄ-ի քաղաքականության վարողն է անվտանգության և պաշտպանության ոլորտում, և նա սցենար է տեսել, որ առաքելությունը կսկսի ընդլայնվել դեպի Լեռնային Ղարաբաղի տարածք։

Factor TV-ին տված հարցազրույցում քաղաքագետ, «Հայ կառուցողական» կուսակցության ղեկավար Անդրիաս Ղուկասյանից հետաքրքրվեցինք՝ ինչի՞ մասին են վկայում այս մտավախությունները, որ հայտնում են ՌԴ-ից։

«Դա ուղերձ է Ադրբեջանին Ռուսաստանի դեսպանից, որ եթե չեք ուզում Եվրամիությունը գա, մի օր մտնի ձեր տուն՝ դրանից բխող բոլոր բացասական հետևանքներով, մեզ հետ եղեք, ձեզ կփրկենք և կօժանդակենք փրկել այն ռեժիմը, որ կա Ադրբեջանում»,- նշեց քաղաքագետը։

Ինչո՞ւ Մոսկվայում համառորեն չեն ուզում ընկալել, որ ԵՄ-ի դիտորդները Հայաստանում հայտնվել են՝ ՌԴ-ի կողմից ՀՀ-ի նկատմամբ անվտանգային պարտականությունները չկատարելու հետևանքով։ Եթե ռուսական զորքը կանգնեցներ Ադրբեջանի հարձակումը ՀՀ-ում ունեցած իր ռազմաբազայով, և եթե սահմանին կանգնած ռուս սահմանապահները դիրքերից դուրս չգային՝ այն հանձնելով Ադրբեջանին, կարիք չէր առաջանա Ադրբեջանի վրա ազդելուն ունակ ուժերի դիմել։

«ՌԴ-ն, որպես իրավիճակի 100 տոկոս ղեկավար պետություն, չկարողացավ այդ դերակատարությունը պահպանել։ ՌԴ-ն ուզում է ՀՀ-ին և Ադրբեջանին բալանսի մեջ պահել, և ՀՀ-ում կա կոնսենսուս, որ ՌԴ-ն բացահայտ պրոադրբեջանական դիրքերում է։ Իրենք բնական դշանակիցներ են, քանի որ հակադրության մեջ են Արևմուտքի դեմ։ ՌԴ-ի մոտ խնդիր առաջացավ, երբ այդ մանդատը 100 տոկոսով իր ձեռքին է, այդ մանդատը պահպանելն անհնար է»,- նշեց Անդրիաս Ղուկասյանը։

Հարցազրույցն ամբողջությամբ՝ տեսանյութում։

Ռոբերտ Անանյան