27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
Ուկրաինայի համար կործանիչների հարցը լուծված է. Երմակ
Քաղաքականություն
09.02.2023 | 19:46
Ուկրաինային կործանիչներ մատակարարելու հարցը լուծված է։ BBC-ի ռուսական ծառայության փոխանցմամբ՝ այս մասին հայտարարել է Ուկրաինայի նախագահ Վլադիմիր Զելենսկիի խորհրդական Անդրեյ Երմակը։
«Ուկրաինայի համար հեռահար զենքի և կործանիչների հարցը լուծված է։ Մանրամասները կհաղորդվեն ավելի ուշ»,- գրել է նա իր Telegram-ալիքում։
Նախագահ Վլադիմիր Զելենսկին այս օրերին եվրոպական շրջագայություն է կատարում, որի նպատակն է ԵՄ-ում դաշնակիցների հետ համաձայնեցնել նոր ռազմական մատակարարումները և դրանց ժամկետները։
Այսօր Զելենսկին Բրյուսելում ելույթ է ունեցել Եվրախորհրդարանի պատգամավորների առաջ։
Հանդիպման ժամանակ կառույցի ղեկավար Ռոբերտա Մեցոլան կոչ է արել եվրոպական կառավարություններին շտապել կործանիչներ տրամադրելու որոշման հարցում, որոնք, ըստ նրա, այնքան անհրաժեշտ են Ուկրաինայի հաղթանակի համար։
Տաթև Ֆռանգյան
