14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Էրդողանը հայտնել է, որ Թուրքիայում երկրաշարժի զոհերի թիվը գերազանցել է 14,000-ը
Քաղաքականություն
09.02.2023 | 15:23
Թուրքիայի նախագահ Ռեջեփ Թայիփ Էրդողանը, որը երկրաշարժից տուժած շրջաններում է, Գազիանթեփում հայտարարել է, որ զոհերի թիվը հասել է 14,014-ի, վիրավորներինը՝ 63,794-ի, գրում են տեղական լրատվամիջոցները։
«Մեր զոհված քաղաքացիների թիվը հասել է 14 հազար 14-ի, վիրավորների թիվը 63 հազար 794 է: Աշխատանքները շարունակվում են լարված ջանքերով, ավերվել է 6 հազար 444 շենք»,- ասել է Էրդողանը։
Նա նշել է, որ նպատակ ունեն վերակառուցել շենքերը 1 տարվա ընթացքում։ Վնասի գնահատման հետ մեկտեղ՝ 10 հազար լիրա կանխիկ օգնություն տրամադրվելու քաղաքացիներին անցումային գործընթացի համար։
Ի դեպ, Էրդողանը կրկին ասել է, որ չպետք է քաղաքականացնել գործընթացը, և նշել, որ այսօր խորհրդարանում տեղի է ունենալու արտակարգ դրություն հայտարարելու հարցի քվեարկությունը, որը «հնարավորություն կտա աղետի գոտում իրականության խեղաթյուրված ներկայացման դեմ պայքարել»։
Էմմա Չոբանյան
