01.11.2024 | 21:32
Հայաստանի մի շարք հասցեներում էլեկտրաէներգիայի անջատումներ կլինեն
Հայաստանում դպրոց ենք կառուցում, որի արժեքը 5 մլն դոլարից ավելի է․ Սիսակ Գաբրիելյան․ ՏԵՍԱՆՅՈՒԹ
Տնտեսություն
09.02.2023 | 14:20
Ազգային ժողովում շարունակվում են քառօրյա նիստի աշխատանքները: Քննարկվում է «Կրթության մասին» օրենքում փոփոխություններ և լրացումներ կատարելու մասին օրենքի նախագիծն առաջին ընթերցմամբ ընդունելու մասին հարցը։
ՀՀ կրթության, գիտության, մշակույթի և սպորտի նախարար Ժաննա Անդրեասյանի խոսքով՝ Հայաստանում երաժշտական, արվեստի, գեղարվեստի դպրոցների ուսուցիչները, մարզիչ-մանկավարժները ատեստավորում անցնելու հնարավորություն կստանան, ինչը թույլ կտա ստանալ 60 հազարից մինչև 100 հազար դրամ հավելավճար:
Առաջարկվող փոփոխությամբ նախատեսվում, որ ոլորտում աշխատող մանկավարժները հնարավորություն ունենան դիմելու և անցնելու ատեստավորում, որի արդյունքում էլ պետբյուջեից հավելավճար կստանան։
ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Սիսակ Գաբրիելյանը հարակից զեկույցում լրացուցիչ տեղեկություններ հայտնեց։
Պատգամավորը մանսավորապես տեղեկացրեց, որ սահմանված հավելավճարները կգործեն առնվազն 5 տարի ժամկետով:
Կարևորելով ներկայացված փոփոխությունները` Սիսակ Գաբրիելյանը նշեց, որ կատարվել է ծավալուն աշխատանք:
«Հայաստանում դպրոց ենք կառուցում, որի արժեքը 5 մլն դոլարից ավելի է» ,- տեղեկացրեց Գաբրիելյանը՝ հավելելով՝ մեր նպատակն է, որ գյուղերում կամ փոքր քաղաքներում շինությունների ցցուն օրինակը պետք է լինեն կրթօջախները, ոչ թե գյուղապետերի կամ պաշտոնյաների առանձնատները։
Մանրամասները՝ տեսանյութում։
