26.11.2024 | 09:46
Հրդեհ Գառնի գյուղում․ այրվել են ավտոտնակը, թոնրատունը և անասնագոմը՝ մասամբ
ԱԱԾ-ն փնտրում է ծառայողների՝ ՊՆ-ի փոխարեն հայ-ադրբեջանական սահմանի պահպանությունն իրականացնելու համար
Հասարակություն
08.02.2023 | 22:00
ՀՀ Ազգային անվտանգության ծառայությունն անհրաժեշտություն է համարում սահմանապահ զորքերում անձնակազմի թվի ավելացումը։ Հատուկ ծառայությունը որպես հիմնավորում նշում է այն հանգամանքը, որ սահմանապահ զորքերը փուլային տարբերակով Պաշտպանության նախարարությունից ընդունելու են հայ-ադրբեջանական պետական ամբողջ սահմանի պահպանությունը:
Թե ծառայողների ավելացման ինչ թվի մասին է խոսքը, ԱԱԾ-ն չի բացահատում, ըստ էության, դա համարելով պետական գաղտնիք։
ԱԱԾ-ն, միաժամանակ, տեղեկացնում է, որ ծառայության նկատմամբ գրավչությունը բարձրացնելու և ԱԱԾ-ից կադրերի արտահոսքը կանխելու նպատակով անհրաժեշտ է բարձրացնել աշխատակիցների աշխատավարձերը։ ԱԱԾ ծառայողներն ատեստավորում անցնելուց հետո կստանան հավելավճարներ՝ երեք տարի ժամկետով, որից հետո պետք է նորից ատեստավորում անցնեն, իսկ այն ծառայողները, որոնք ատեստավորման փուլը չեն հաղթահարի, երկու ամիս անց նոր ատեստավորում կանցնեն։ Այս փուլն էլ չհաղթահարելու դեպքում կազատվեն աշխատանքից։ Այս մասին Factor.am-ը տեղեկանում է ԱԱԾ-ում մշակված փաստաթղթերից։
Նարեկ Կիրակոսյան
