08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բաքվում ՌԴ դեսպանն ասել է, թե Հայաստանում ԵՄ առաքելության կազմում կլինեն ֆրանսիացի ժանդարմներ
Քաղաքականություն
08.02.2023 | 21:09
Ադրբեջանում ՌԴ արտակարգ և լիազոր դեսպան Միխայիլ Բոչարնիկովը պատասխանել է ադրբեջանցի լրագրող Էյնուլլա Ֆաթուլաևի հարցերին, գրում է Haqqin.az-ը։
Նշվում է, որ ադրբեջանցի լրագրողին, իբր, դիվանագիտական աղբյուրներից հայտնի է դարձել, թե Ֆրանսիան ակտիվորեն քննարկում է Ադրբեջանի և Հայաստանի սահմանի երկայնքով տեղակայված Եվրամիության քաղաքացիական առաքելությունը ռազմաքաղաքական կոնտինգենտի վերածելու նախաձեռնությունը։ Ըստ լրագրողի՝ առաքելությունը, որի կազմում, ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելի խոսքով, կլինի մինչև հարյուր դիտորդ, ներառում է 70 ֆրանսիացի ժանդարմ։
ՌԴ դեսպանը հարցազրույցում հաստատել է սահմանին ֆրանսիացի ժանդարմների տեղակայման հնարավորության մասին տեղեկությունը։ Բոչարնիկովը հարցազրույցում մանրամասն մեկնաբանել է նաև ֆրանսիացի զինվորականների տեղակայման դեպքում «տարածաշրջանում հավանական մարտահրավերներն ու սպառնալիքները՝ հաշվի առնելով սահմանին ռուս սահմանապահների, ինչպես նաև ռուսական խաղաղապահ ուժերի ներկայությունը Ադրբեջանի սահմանի մոտ»։
«Ես լսել եմ, որ խոսակցություն է եղել, թե այս առաքելությունում ընդգրկվելու են ֆրանսիայի ժամդարմներ»,- ասել է ՌԴ դեսպանը։
Նա նաև նշել է, թե ԵՄ առաքելությունն ուղղված է ՌԴ-ին կարգավորման գործընթացից դուրս մղելուն։
Էմմա Չոբանյան
