08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Լոնդոնը նոր պատժամիջոցներ է սահմանել Պուտինի մերձավոր շրջապատից մի քանի անձանց նկատմամբ
Քաղաքականություն
08.02.2023 | 16:53
Մեծ Բրիտանիայի կառավարությունը հայտարարել է Ռուսաստանի դեմ նոր պատժամիջոցների մասին՝ Ուկրաինայի դեմ պատերազմի համար։ Արտաքին գործերի նախարար Ջեյմս Քլևերլիի խոսքով՝ պատժիչ միջոցներն ուղղված են այն անձանց և կազմակերպություններին, որոնց վրա հենվում են ՌԴ նախագահ Վլադիմիր Պուտինի զինվորականները, և կոչված են արագացնելու տնտեսական ճնշումը Ռուսաստանի վրա, խաթարելու նրա ռազմական մեքենան և օգնելու Ուկրաինային՝ հաղթել պատերազմում, գրում է DW-ի ռուսական ծառայությունը։
Խոսքը ռազմարդյունաբերական ոլորտի վեց ընկերությունների, մեկ կազմակերպության և Ռուսաստանի Դաշնության ութ քաղաքացիների մասին է։
Մասնավորապես, պատժամիջոցների տակ կհայտնվի Պուտինի անձնական ընկերն ու դասընկերը՝ ռուս գործարար Նիկոլայ Եգորովը, «Օզերո» կոոպերատիվի համահիմնադիր Վիկտոր Մյաչինը, որը համարվում է Պուտինի ռեժիմի ֆինանսական բազայի ստեղծման մասնակից, բիզնես օմբուդսմեն Բորիս Տիտովը, ում պատկանում է Abrau-Dyurso ընկերությունների խումբը, «Ռեգնում» լրատվական գործակալության գլխավոր խմբագիր Սերգեյ Ռուդնովը և «Ռոսիա» բանկի բաժնետեր Սվետլանա Կրիվոնոգին, որին անկախ լրատվամիջոցներն անվանում են ՌԴ նախագահի նախկին սիրուհի։
Տաթև Ֆռանգյան
