27.06.2026 | 15:37
Փամբակ գետում մեքենա և դի են հայտնաբերվել․ փրկարարները որոնում են երկրորդ անձին
Չինաստանի ՊՆ ղեկավարը հրաժարվել է զրուցել Պենտագոնի հետ չինական աերոստատի խոցումից հետո
Քաղաքականություն
08.02.2023 | 17:25
Ատլանտյան օվկիանոսի վրայով թռչող չինական օդապարիկի ոչնչացումից հետո Պեկինն անտեսել է Վաշինգտոնի հեռախոսազանգը: Այս մասին փետրվարի 8-ին հայտնել է NBC News հեռուստաալիքը՝ վկայակոչելով Պենտագոնի պաշտոնական ներկայացուցիչ Փեթ Ռայդերին։
Նշվում է, որ «լրտեսական օդապարիկի» հետ կապված միջադեպից հետո ԱՄՆ պաշտպանության նախարար Լլոյդ Օսթինը ցանկացել է «թուլացնել լարվածությունը»՝ զրուցելով իր չինացի գործընկեր Վեյ Ֆենհեի հետ, սակայն ՉԺՀ-ն հրաժարվել է զրույցից։ «Մեր զինված ուժերի միջև կապը առանձնակի կարևոր է այս պահերին։ Ցավոք, ՉԺՀ-ն մերժել է մեր հայցը։ Մեր նվիրվածությունը կապի բաց գծերին պահպանվում է»,- ասել է ԱՄՆ ՊՆ ներկայացուցիչը։
Հիշեցնենք, որ փետրվարի 4-ին ԱՄՆ զինվորականները խոցել էին չինական աէրոստատը, որը գրեթե մեկ շաբաթ թռչում էր ԱՄՆ տարածքի վրայով։ Վաշինգտոնը պնդում է, որ սարքավորումը հետախուզական տեղեկություններ էր հավաքում:
Տաթև Ֆռանգյան
