28.04.2026 | 11:19
Թրամփը դժգոհ է պատերազմը դադարեցնելու՝ Իրանի վերջին առաջարկից
Թուրքիայում հերթական երկրաշարժն է տեղի ունեցել. զոհերի թիվն աճում է
Քաղաքականություն
08.02.2023 | 13:10
Թուրքիայի կենտրոնական հատվածում 4,8 մագնիտուդով երկրաշարժ է գրանցվել, հայտնում է Եվրոպական-միջերկրածովյան սեյսմոլոգիական կենտրոնը (EMSC):
Երկրաշարժը գրանցվել է տեղական ժամանակով 10.48-ին, 376 հազար բնակչություն ունեցող Քահրամանմարաշ քաղաքից 85 կիլոմետր դեպի հյուսիս-արևմուտք, օջախը՝ 40 կիլոմետր խորության վրա։
Փետրվարի 6-ի վաղ առավոտյան էլ 7,7 մագնիտուդով երկրաշարժ է տեղի ունեցել Թուրքիայի հարավ-արևելքում՝ դառնալով ամենաուժեղը 1939 թվականից ի վեր՝ ըստ այդ երկրի նախագահ Ռեջեփ Թայիփ Էրդողանի: 7,6 մագնիտուդով ևս մեկ երկրաշարժ էլ տեղի է ունեցել նույն օրը ցերեկը։
Բնական աղետների և արտակարգ իրավիճակների հետևանքների վերացման թուրքական գրասենյակը հայտնել է, որ երկրաշարժի զոհերի թիվը գերազանցել է 7,1 հազարը, ավելի քան 40 հազարը վիրավորվել են։
«Վերջին տվյալներով՝ երկրաշարժի զոհ է դարձել 7,108 մարդ, վիրավորների թիվը՝ 40,910»,- ասվում է հաղորդագրության մեջ։
Տաթև Ֆռանգյան
