29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ալավերդի քաղաքը ծածկված է ծխի ամպով. ահազանգում են բնակիչները. ԼՈՒՍԱՆԿԱՐՆԵՐ, ՏԵՍԱՆՅՈՒԹ
Հասարակություն
16.06.2018 | 14:09
Factor.am-ը ահազանգ է ստացել Ալավերդի քաղաքի բնակիչներից, որոնք հայտնում են, որ երեկվանից ողջ քաղաքը ծածկված է Ալավերդու պղնձաձուլական գործարանի ծխատարից դուրս եկող ծխով:
«Երեկվանից խեղդվում ենք էդ ծխից, մինչև հիմա չի դադարել, շարունակում ենք շնչել աղտոտված ու վտանգավոր օդը»,- նշեց բնակիչներից մեկը:
Թե «Վալլեքս» խմբի մեջ մտնող «Էյ-Սի-Փի» ընկերությանը պատկանող Ալավերդու պղնձաձուլական գործարանի ծխատարից դուրս ժայթքող ծխի պատճառն ինչն է, արդյոք գործարանի ծխատա՞րն է հերթական անգամ վնասվել՝ Factor .am-ը փորձեց պարզել գործարանի պատասխանատուներից, սակայն մի քանի ժամ է ՝ մեր հեռախոսանգերը մնում են անպատասխան:
Նշենք, որ նման դեպք գրանցվել էր նաև այս տարվա փետրվարին, որն, ինչպես հետագայում պարզվեց, ծխատարի վթարի արդյունք էր:
