16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Չեք գալիս այս նիստին, որովհետև ասելիք չունեք․ Դավոյանը՝ ընդդիմությանը․ ՏԵՍԱՆՅՈՒԹ
Քաղաքականություն
07.02.2023 | 18:05
«Հայտարարությունների ժամին մեր ընդդիմադիր գործընկերներն իրենց հայտարարություններն արեցին և դուրս եկան, ինչպես միշտ, նրանք չեն լսում մեր հայտարարությունները»,- այս մասին նշեց «Քաղաքացիական պայմանագիր» խմբակցության պատգամավոր Արփի Դավոյանը։
Նրա խոսքով՝ այսօր պաշտպանության նախարարի մասնակցությամբ տեղի ունեցած քննարկման ժամանակ ընդդիմադիր պատգամավորները կառուցողական դիրքորոշումներ են արտահայտել։
«Երբ տեսախցիկներն անջատված են, մեր ընդդիմադիր գործընկերները լինում են հանգիստ և կառուցողակական, իսկ երբ տեսախցիկները միացված են լինում, իրենց այդպես չեն դրսևորում․ այսօր ևս փաստեցինք դա»,-ասաց Դավոյանը։
Պատգամավորն անդրադարձավ նաև ընդդիմության այն քննադատությանը, թե այսօր ԱԺ-ում միակուսակցական շոու էր տեղի ունենում, երբ Ազգային ժողովը ՀՀ գլխավոր դատախազ Աննա Վարդապետյանի մասնակցությամբ քննարկում էր Սեյրան Օհանյանի նկատմամբ հանրային քրեական հետապնդում հարուցելուն համաձայնություն տալու մասին միջնորդությունը։
«Միակուսակցական շոու տեղի չի ունեցել, դուք ինքնակամ լքել եք ԱԺ դահլիճը։ Չեք գալիս այս նիստին, որովհետև ասելիք չունեք․ Դուք չեք կարող արդարացնել կամ հերքել այն փաստերը, որ օտարվել, վաճառվել են զորամասի տարածքներ»,- դիմելով ընդդիմությանը՝ նշեց իշխանական պատգամավորը։
Մանրամասները՝ տեսանյութում։
