Քաղաքականություն
07.02.2023 | 17:49«Օրվա իշխանությունները շատ են վախենում կորցնել իրենց իշխանությունը, ԱԺ-ում ներկայացված այսօրվա միակուսակցական քաղաքական շոուն վկա: Եվ այդ վախերը նրանք , իհարկե, այլ կերպ էլ են արտահայտում»,- Ազգային Ժողովում հայտարարությունների ժամին այս կարծիքը հայտնեց ԱԺ «Հայաստան» խմբակցության պատգամավոր Արմենուհի Կյուրեղյանը՝ հավելելով․ «Քանի, քանի քրեական գործեր են կարվում իրենց դեմ ակտիվ պայքարողների նկատմամբ»։
Պատգամավորի խոսքով՝ այս իշխանությունների նպատակներն ու դաշնակցականությունը խիստ հակասում են միմյանց: Եվ այս իշխանությունները դա շատ լավ հասկանում են ու պայքարում են դաշնակցականների, դաշնակցության դեմ, ինչպես դա անում էր իրենց կնքահայրը՝ Լևոն Տեր-Պետրոսյանը։
«Այո՛, դուք պետք է վախենաք թե՛ դաշնակցականից, թե՛ դաշնակցությունից և թե, որ ամենակարևորն է, դաշնակցականությունից, որովհետև դաշնակցականությունից է գալու ձեր իշխանության ավարտը, ձեր ծրագրերի վախճանը, և ամենակարևորը՝ ձեր արածների համար պատասխան տալու ժամանակը: Վախեցեք և վախով ապրեք: Ճիշտ եք անում: Ամեն ինչ իր ավարտն ունի: Մեր երկիրն ազատվելու է դավաճաններից: Քիչ է մնացել, համոզված եղեք»,- նշեց Կյուրեղյանը։
Ընդդիմադիր պատգամավորն իր ելույթի ավարտին ցանկացավ անդրադառնալ ՔՊ խմբակցության պատգամավոր Էմմա
Պալյանի դիտարկումներին, սակայն ԱԺ փոխնախագահ Հակոբ Արշակյանը հորդորեց անջատել խոսափողը։
«Կոռեկտ չէ Ձեր պահվածքը»,- նշեց Հակոբ Արշակյանը։
Մանրամասները՝ տեսանյութւոմ։
