26.02.2026 | 20:05
«Այվազովսկի» օգտատերը ձերբակալվել է տիկտոկում Փաշինյանի հասցեին վիրավորանքի համար՝պնդում է փաստաբանը. ՏԵՍԱՆՅՈՒԹ
Վարշավայում Patriot համալիրներ են տեղակայվել
Քաղաքականություն
07.02.2023 | 18:40
Patriot զենիթահրթիռային համակարգերը, որոնք Լեհաստանը գնել է ԱՄՆ-ից անցյալ տարի, զորավարժությունների շրջանակում տեղակայվել են Վարշավայում։ Այս մասին հայտնել է Լեհաստանի Պաշտպանության նախարարությունը, փոխանցում է VOA-ն։
Լեհաստանը լրացուցիչ քայլեր է ձեռնարկում իր պաշտպանունակությունն ուժեղացնելու համար, քանի որ մոտենում է Ուկրաինայում Ռուսաստանի պատերազմի առաջին տարելիցը։
Վարշավայի «Բեմովո» օդանավակայանում նկատվել է առնվազն երեք Patriot համակարգ։
Լեհաստանի պաշտպանության նախարար Մարիուշ Բլաշչակը վերջերս Թվիթերում գրել էր, որ երկրի կենտրոնական Սոչաչևի բազայից համալիրների տեղափոխումը Վարշավա «կարևոր տարր է Վարշավայի 3-րդ հրթիռային բրիգադի նախապատրաստման գործում»:
Patriot հակաօդային պաշտպանության համակարգերը ԱՄՆ-ից, Հարավային Կորեայից և այլ երկրներից բազմամիլիարդանոց սպառազինությունների գնման մի մասն են: Լեհաստանը նաև նման համակարգեր է ստացել Գերմանիայից՝ երկրի արևելքում իր հակաօդային պաշտպանությունն ուժեղացնելու համար, որտեղ անցյալ տարի Ուկրաինայի հրթիռները «մոլորվել էին»՝ սպանելով երկու խաղաղ բնակիչների:
Տաթև Ֆռանգյան
