14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Գերմանիայի ԱԳ նախարարը կոչ է արել դադարեցնել Լեռնային Ղարաբաղի շրջափակումը, խոսել նաև ՀՀ-ում ԵՄ առաքելությունից
Քաղաքականություն
07.02.2023 | 17:55
Գերմանիայի արտաքին գործերի նախարար Անալենա Բերբոքը ՀՀ ԱԳ նախարար Արարատ Միրզոյանի հետ բանակցություններից հետո կոչ է արել վերաբացել Լաչինի միջանցքը դեպի Լեռնային Ղարաբաղ, գրում է AP-ն։
Նա լրագրողներին ասել է, որ մարդասիրական իրավիճակի սրումը անհրաժեշտ է դարձնում «շրջափակման անհապաղ դադարեցումը»:
«Սուպերմարկետների դարակները գրեթե դատարկ են, դեղորայքը պակասում է… ընտանիքի անդամները մնացել են Հայաստանում և չեն կարողանում վերադառնալ իրենց սիրելիների մոտ, դպրոցականները ստիպված են սառչել այս ցածր ջերմաստիճանում, քանի որ էներգիայի մատակարարումը դադարեցված է», – ասել է Բերբոքը:
Նա նաև խոսել է Հայաստանում ԵՄ առաքելության մասին ու նշել է, որ առաքելության նպատակն է ապահովել «ավելի կայունություն և առաջին հերթին վստահություն» անկայուն տարածաշրջանում։ Սա ներառում է արտակարգ իրավիճակների թեժ գծերի ստեղծում ազգային և տեղական իշխանությունների միջև:
«Վերջին տարիներին մենք ստիպված ենք եղել տեսնել, որ ցանկացած փոքրիկ կայծ կարող է հանգեցնել տարածքում հրդեհի. հուսալի կապի ուղիները նվազեցնում են այդ ռիսկը», – ասել է Գերմանիայի ԱԳ նախարարը։
Նա նշել է, որ Գերմանիան որպես առաքելության ղեկավար համակարգելու է այն տեղական ոստիկանության և քաղաքացիական փորձագետների հետ:
Էմմա Չոբանյան
