Սեյրան Օհանյանի նախարար եղած ժամանակ շատ բան է վաճառվել, հիմա էլ է վաճառվում․ այլ հարց է՝ ո՞րն է իր մեղքի բաժինը․ Խամոյան․ ՏԵՍԱՆՅՈՒԹ

Լուրեր

19.11.2026 | 18:50
Նախարարը հորդորում է, որ համայնքի ղեկավարներն ինձ դատի տան, բայց ինքը չի տալիս․ Իրինա Յոլյան. ՏԵՍԱՆՅՈՒԹ
19.11.2026 | 18:37
Պուտինը պատմել է «փոխզիջումների» մասին, որոնց պետք է համաձայնել՝ պատերազմը դադարեցնելու համար
19.11.2026 | 18:29
Իտալական ակումբը պայմանագիր է կնքել շան հետ
19.11.2026 | 18:20
Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր
19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
Բոլորը

ՀՀ ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանը մի քանի օր է` վատառողջ է։ Այս մասին լրագրողների հետ ճեպազրույցում նշեց խմբակցության պատգամավոր Ագնեսա Խամոյանը՝ հավելելով, որ այս պահին էլ նա վերականգնման փուլում է գտնվում։

Ընդդիմադիր պատգամավորը կարծիք հայտնեց, որ այսօր ԱԺ-ում տեղի ունեցողը շրջիկ թատրոն է, և իրենք որոշել են «չմասնակցել բեմականացմանն ու թույլ չտալ իշխանություններին փորձ կատարել հանրության ուշադրությունը երկրի իրական օրակարգերից շեղել»։

Անդրադառնալով դիտարկմանը, որ, ըստ դատախազության ներկայացրած տվյալների, պաշտպանության նախկին նախարար Սեյրան Օհանյանի պաշտոնավարման ժամանակ ցածր գնով զորանոցներ են օտարվել, հետո դրանք գրավադրել է Գրիգորի Խաչատուրովը, հայտնի է իրական սեփականատերը, Խամոյանը նշեց․ «Ինձ զարմացնում է գլխավոր դատախազ Աննա Վարդապետյանի կողմից վկաների ցուցմունքներ հրապարակելը, տարբեր անձանց քրեադատավարական կարգավիճակներ հրապարակելը:

«Ուղիղ մեջբերումներ է անում վկաների ցուցմունքներից, ինչի իրավունքը, ակնհայտորեն չունի: Ես հասկանում եմ, որ ՔՊ-ական պատգամավորները փորձում են հասարակության համար հանրամատչելի մատուցել, թե ինչպիսի «մեծագույն հանցանքներ» է գործել Սեյրան Օհանյանը: Բայց մի փաստ եմ ուզում արձանագրել. Նման կարգավիճակով ՊՆ բալանսում 7 տասնյակից ավելի շինություն է գտնվում, այստեղ փորձում էին ներկայացնել, որ գործող զորամաս է եղել Նախիջևանի սահմանին, որ օտարվել է, փողեր են աշխատել, բանկում գրավադրել են և այլն: Եթե չեմ սխալվում 5 պատգամավոր իր հարցադրումներում շեշտում էր, որ, փաստորեն, Սեյրան Օհանյանը կարող էր օգտվել վաղեմության ժամկետից, բայց չի օգտվել: Այո՛, և՛ ինքը, և՛ Արմեն Չարչյանը իրենց գործերի մասով կարող էին օգտվել վաղեմության ժամկետի կիրառումից և այս ներկայացումն այսօր չէր լինի, չէր լինի իրավական ու քաղաքական քաշքշոցը, որ այսօր իրականացնում են իշխանությունները»,- նշեց Խամոյանը:

Հարցին, թե ի վերջո, Սեյրան Օհանյանի նախարար եղած ժամանակ վաճառվե՞լ են զորամասի հողամասերը, թե ոչ, ընդդիմադիր պատգամավորը պատասխանեց. «Ես չեմ խորանալու գործի դետալների մեջ: Խոսքը գործող զորամասի մասին չի եղել: Այլ մանրամասներ կարող եք ճշտել պարոն Օհանյանից և իր փաստաբաններից․․․ Այս ամբողջ բեմականացման նպատակն է շեղել հանրության ուշադրությունը Վարդենիսի ողբերգական դեպքից, բայց թույլ չենք տալու․․․ Սեյրան Օհանյանի նախարար եղած ժամանակ շատ բան է վաճառվել, դրանից հետո էլ է վաճառվել, դրանից առաջ էլ է վաճառվել, հիմա էլ է վաճառվել: Խոսքը հանցանքի մասին է. Սեյրան Օհանյանը չի ընդունում իրեն մեղսագրվող հանցանքը»։

Անդրադառնալով հարցին, թե փակ ռեժիմով քննարկվող գաղտնի միջնորդագիրն ինչի վերաբերյալ է, Խամոյանը պատասխանեց․ «Հանրության շրջանում հայտնի, այսպես կոչված, հրթիռների մասին է խոսքը»։

Պատգամավորը նաև հայտնեց, որ այսօր ժամը 14.30-ին բանակում իրական խնդիրների վերաբերյալ ԱԺ նիստում տեղի է ունենալու փակ քննարկում պաշտպանության նախարարի մասնակցությամբ:

Մանրամասները՝ տեսանյութում։