07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ռուսաստանը կարող է Ուկրաինայում նոր հարձակում սկսել առաջիկա 10 օրվա ընթացքում. FT
Քաղաքականություն
06.02.2023 | 14:44
Ուկրաինայի իշխանությունները ստացել են «շատ հավաստի հետախուզական տեղեկատվություն Ռուսաստանի կողմից նոր լայնածավալ հարձակում սկսելու մտադրությունների մասին»։ Այս մասին հայտնել է Financial Times-ը՝ հղում անելով Ուկրաինայի զինված ուժերի անանուն խորհրդականին։ Աղբյուրի խոսքով՝ հարձակումը կարող է սկսվել առաջիկա 10 օրվա ընթացքում, հաղորդում է DW-ի ռուսական ծառայությունը։
Փորձագետները դրա հավանական վայր են անվանում Լուգանսկի շրջանի արևմտյան հատվածը՝ Կրեմեննայա և Լիման քաղաքների մոտ, որոնք ազատագրվել են ուկրաինական բանակի կողմից անցյալ տարվա աշնանը հակահարձակման ժամանակ։ Տեղի պաշտոնյաների ու արևմտյան վերլուծաբանների կարծիքով՝ արդեն մի քանի շաբաթ է, ինչ Ռուսաստանը զորքեր է հավաքում այս ուղղությամբ։ Միևնույն ժամանակ, Մոսկվան իր ուժերն է համալրում Դոնեցկի շրջանի հարավում, նշում է պարբերականը։
Ուկրաինայի նախագահ Վլադիմիր Զելենսկին փետրվարի 5-ի երեկոյան ելույթում մատնանշել է ԶԼՄ-ների հրապարակումներն այն մասին, որ ռուսական ուժերը ծրագրում են փետրվարին «փոխհատուցել անցյալ տարվա պարտությունները» և Դոնեցկի մարզում «շատ ծանր իրավիճակն» ու կատաղի մարտերը։
«Բայց ինչքան էլ ծանր լինի, ինչ ճնշում էլ լինի, պետք է դիմանալ»,- ընդգծել է նա։
Իր հերթին, Ուկրաինայի պաշտպանության նախարար Ալեքսեյ Ռեզնիկովը նույն օրը կայացած մամուլի ասուլիսում ասել է, որ իր երկիրը փետրվարին սպասում է Ռուսաստանի հնարավոր հարձակման՝ կապված Ուկրաինայի դեմ Ռուսաստանի լայնամասշտաբ պատերազմի մեկնարկի տարելիցի հետ, քանի որ Ռուսաստանում «սիրում են սիմվոլիզմ»։
Տաթև Ֆռանգյան
