28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Թուրքիայի երկրաշարժը հարյուրավոր, այդ թվում՝ հայերի կյանքեր է խլել․ Միրզոյանը կմեկնի Բեռլին․ Լուրեր
Քաղաքականություն
06.02.2023 | 12:45
- Թուրք-սիրիական սահմանի մոտ տեղի ունեցած երկրաշարժի զոհերի թվում կան նաև հայեր։ Թուրքիայի հարավ-արևելքում 7,4 մագնիտուդով երկրաշարժը հարյուրավոր զոհերի և ավերածությունների պատճառ է դարձել և՛ Թուրքիայում, և՛ Սիրիայում։ Ժամը 11-ի դրությամբ միջազգային լրատվականները հայտնել են Թուրքիայում առնվազն 76 զոհվածի և 440 վիրավորի մասին, իսկ Սիրիայում առնվազն 230 զոհվածի և ավելի քան 600 վիրավորների մասին։ Զոհված հայերը հենց Սիրիայից են եղել։
- Վաղ առավոտյան 4 բալ ուժգնությամբ երկրաշարժ է գրանցվել նաև Հայաստան-Վրաստան սահմանային գոտում՝ Բավրա գյուղից 10 կմ հյուսիս-արևելք։ երկրաշարժը զգացվել է Շիրակի մարզի Բավրա, Սարագյուղ, Ղազանչի և Աշոցք գյուղերում՝ 3 բալ ուժգնությամբ։
- Փետրվարի 6-7֊ը ՀՀ ԱԳ նախարար Արարատ Միրզոյանն աշխատանքային այցով կգտնվի Բեռլինում, կհանդիպի Գերմանիայի արտաքին գործերի նախարար Անալենա Բերբոքի հետ: Այցի շրջանակներում Արարատ Միրզոյանը հանդիպումներ կունենա նաև Գերմանիայի օրենսդիրների, փորձագիտական շրջանակի հետ։
Այս ժամի լուրերը՝ տեսանյութում։
