09.10.2026 | 12:01
Ուկրաինական ԱԹՍ-ները հարձակվել են Կալուգայի, Տվերի, Բելգորոդի մարզերի վրա․ զոհեր կան
ՌԴ ԱԻՆ-ը երկու ինքնաթիռ է ուղարկում Թուրքիա՝ երկրաշարժից հետո օգնություն ցուցաբերելու համար
Քաղաքականություն
06.02.2023 | 13:02
ՌԴ Արտակարգ իրավիճակների նախարարությունը հայտնել է, որ պատրաստ է Թուրքիա ուղարկել երկու Իլ-76 ինքնաթիռ՝ փրկարարների հետ միասին, երկրաշարժից հետո օգնություն ցուցաբերելու համար, գրում է Կոմերսանտը։
Արտակարգ իրավիճակների նախարարությունից ՏԱՍՍ-ին հայտնել են, որ գերատեսչության ղեկավար Ալեքսանդր Կուրենկովի հանձնարարությամբ պատրաստվածության են բերվել «Ցենտրոպաս» ավիացիոն ջոկատի 100 մասնագետներ, ինչպես նաև հատուկ ռիսկային փրկարարական գործողությունների «Լիդեր» կենտրոնի 100 մասնագետներ։
ՌԴ նախագահ Վլադիմիր Պուտինը Թուրքիայի նախագահ Ռեջեփ Թայիփ Էրդողանին ցավակցություն է հայտնել երկրաշարժի հետևանքով բազմաթիվ զոհերի կապակցությամբ և նշել, որ Մոսկվան պատրաստ է անհրաժեշտ օգնություն ցուցաբերել։
Հիշեցնենք, որ երկրաշարժը տեղի է ունեցել առավոտյան 4-ի սահմաններում, էպիկենտրոնը Քահրամանմարաշի Փազարջիկ բնակավայրն է։ 7,4 մագնիտուդով երկրաշարժը տեղի է ունեցել 7 կիլոմետր խորության վրա։
Էմմա Չոբանյան
