25.11.2024 | 13:28
Բեռնատարն ընկել է գետը, վարորդը մահացել է
Սիրիայում երկրաշարժից ՅՈՒՆԵՍԿՕ-ի համաշխարհային ժառանգության օբյեկտ է վնասվել
Քաղաքականություն
06.02.2023 | 12:32
Սիրիայում երկրաշարժի հետևանքով տուժել է ՅՈՒՆԵՍԿՕ-ի համաշխարհային ժառանգության օբյեկտ՝ Հալեպի միջնաբերդը։ ՌԻԱ Նովոստիին այս մասին հայտնել է Սիրիայի թանգարանների և տեսարժան վայրերի վարչության գլխավոր տնօրեն Համամ Սաադը։
«Մենք հաղորդումներ ենք ստացել Հալեպի միջնաբերդում ճաքի մասին, ուղարկել ենք մասնագետների խումբ՝ տեղանքը զննելու և վնասը գնահատելու համար»,- ասել է Սաադը։
Հիշեցնենք, որ Թուրքիայի Քահրամանմարաշ նահանգում ժամը 04.17-ին 7,4 մագնիտուդով երկրաշարժ է տեղի ունեցել, որը ավերածությունների է հանգեցրել մի շարք քաղաքներում։ Ավերածություններ են գրանցվել նաև Սիրիայի մի քանի շրջաններում, երկրաշարժը զգացվել է նաև Լիբանանի մայրաքաղաք Բեյրութում։
Վերջին տեղեկությունների համաձայն՝ Սիրիայում և Թուրքիայում տեղի ունեցած հզոր երկրաշարժի հետևանքով զոհերի թիվը գերազանցել է 300-ը։ Զոհերի թվում ավելի քան 230-ը Սիրիայի, ավելի քան 70-ը՝ Թուրքիայի քաղաքացիներ են։
Տաթև Ֆռանգյան
