20.03.2026 | 23:39
Կիևը Մերձավոր Արևելք ռազմական խմբեր է ուղարկել՝ ԱԹՍ-ներ որսալու համար
Գալիք տարի բռնցքամարտի հավաքականը կընդլայնվի․ գլխավոր մարզիչ
05.02.2023 | 15:52
Հայաստանի կանանց բռնցքամարտի հավաքականի գլխավոր մարզիչ Ռաֆայել Մեհրաբյանի կարծիքով՝ հավաքականը պետք է լավ նախապատրաստվի աշխարհի առաջնությանը։
«Քանի որ Հայաստանի կանանց բռնցքամարտը նոր-նոր է սկսել զարգանալ, այդ իսկ պատճառով ներքին առաջնությունում մասնակիցների թիվը քիչ էր: Դժգոհություն, իհարկե, կա: Սակայն, ի տարբերություն մեծահասակների, երիտասարդների առաջնության մասնակիցների քանակը շատ ավելի շատ է»,-«Արմենպրես»-ի հաղորդմամբ` լրագրողների հետ զրույցում ասաց Մեհրաբյանը:
Նա շեշտեց, որ գալիք տարի հավաքականը կընդլայնվի և առաջատար բռնցքամարտիկներն իրենց արժանի մրցակից կունենան նաև ներքին առաջնությունում:
«Մենք Հայաստանի առաջնությունից առաջ էլ սկսել էինք նախապատրաստվել աշխարհի առաջնությանը, որը պետք է կայանա մարտին: Մենք պետք է լավ նախապատրաստվենք աշխարհի առաջնությանը: Մենք փետրվարի 7-ից արդեն կսկսենք նախապատրաստվել` հավաքի միջոցով»,-ասաց նա:
