25.11.2024 | 14:41
Սուրեն Պապիկյանն այցելել է սահմանագոտի․ ԼՈՒՍԱՆԿԱՐՆԵՐ
Բորելը հայտարարել է, որ ԵՄ-ն չի դիտարկում Ուկրաինա զինվորականներ ուղարկելու հնարավորությունը
Քաղաքականություն
05.02.2023 | 14:31
Եվրամիության անդամ երկրները երբեք չեն դիտարկել և չեն դիտարկում իրենց զինվորականներին Ուկրաինա ուղարկելու հնարավորությունը հակամարտությանը մասնակցելու համար։ Այս մասին իսպանական El País թերթին կիրակի օրը հրապարակված հարցազրույցում ասել է ԵՄ արտաքին ծառայության ղեկավար Խոսեպ Բորելը, փոխանցում է ՏԱՍՍ-ը։
Պատասխանելով Կիև ինքնաթիռներ ուղարկելու մասին հարցին՝ դիվանագետն ասել է. «Կարծում եմ՝ մենք պետք է ամեն կերպ օգնենք Ուկրաինային` hաշվի առնելով ոչ մարտիկի կարգավիճակը, որում մենք ցանկանում ենք մնալ»։ Բորելը պարզաբանել է, որ դա նշանակում է համայնքի երկրների «ուղղակի չմասնակցություն» հակամարտությանը։ «Մենք ռազմատենչ կլինեինք, եթե զորքեր ուղարկեինք, մի բան, որը հաստատ օրակարգում չկա, երբեք չի եղել»,- վստահեցրել է Բորելը։
Բորելը չի հստակեցրել, թե երբ են Ուկրաինային մատակարարվելու խոստացված արևմտյան տանկերը։ «Տանկերի համար պետք է ունենալ պատրաստված անձնակազմեր, – ասել է նա։-Նրանց ուսուցումն արդեն սկսվել է, նույնիսկ որպես ԵՄ ռազմական առաքելության մաս Լեհաստանում և այլոց Գերմանիայում ուսումնամարզական ճամբարներում: Դա նման չէ մեքենա վարել սովորելուն. պահանջում է շաբաթներ շատ մասնագիտացված վերապատրաստում»:
