«Հրդեհի գործով մեղադրյալ կապիտանը զինծառայողների հետ խնդիրներ չի ունեցել». պաշտպան

Լուրեր

19.11.2026 | 19:35
«Արջ քորող»-ից մինչև «եղկելի»․ Գալյանի նախագիծը Փաշինյանին չի հուզում․ ՏԵՍԱՆՅՈՒԹ
19.11.2026 | 19:26
ՀՀ-ում կանցկացվի սպորտային մարմնամարզության մեծահասակների Եվրոպայի առաջնություն
19.11.2026 | 19:11
ՄԱԿ-ի դատարանը վճռել է, որ Մյանմարը ռոհինջաների նկատմամբ ցեղասպանություն է իրականացրել
19.11.2026 | 19:00
«Խոսելու ժամանակը կգա»․ դատավոր Գևորգ Պողոսյանը՝ իր մեղադրանքի մասին
19.11.2026 | 18:50
Նախարարը հորդորում է, որ համայնքի ղեկավարներն ինձ դատի տան, բայց ինքը չի տալիս․ Իրինա Յոլյան. ՏԵՍԱՆՅՈՒԹ
19.11.2026 | 18:37
Պուտինը պատմել է «փոխզիջումների» մասին, որոնց պետք է համաձայնել՝ պատերազմը դադարեցնելու համար
19.11.2026 | 18:29
Իտալական ակումբը պայմանագիր է կնքել շան հետ
19.11.2026 | 18:20
Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր
19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
Բոլորը

15 զինծառայողի մահվան գործով մեղադրյալ կապիտան Եղիշե Հակոբյանը զինծառայողների հետ խնդիրներ չի ունեցել: Factor.am-ի հետ զրույցում ասաց կապիտանի պաշտպան Հովսեփ Սարգսյանը: Կապիտանը ցուցմունք չի տվել և դիրքորոշում չի հայտնել իր մեղադրանքի վերաբերյալ։ Հովսեփ Սարգսյանի խոսքով՝ թեև նա պատրաստակամություն է հայտնել իրեն հայտնի բոլոր հանգամանքների վերաբերյալ ցուցմունք տալու՝ այս պահին դեռևս ի վիճակի չէ:

Հիշեցնենք, որ Եղիշե Հակոբյանն, ըստ մեղադրանքի, խախտել է շրջապատի համար առավել վտանգ ներկայացնող նյութի՝ ավտոբենզինի հետ վարվելու վերաբերյալ օրենսդրությամբ սահմանված պահանջը և վառարանը վառել դրանով: Կացարանում հրդեհ է բռնկվել, ինչի հետևանքով 15 զինծառայող է մահացել:

Պաշտպան Սարգսյանը Եղիշե Հակոբյանի մեղադրանքը գնահատում է խիստ նախնական, քանի որ դեռևս ստացված չեն գործի համար էական նշանակություն ունեցող մի շարք փորձաքննությունների պատասխաններ:

«Փաստ է, որ հրդեհ է եղել, փաստ է, որ Եղիշե Հակոբյանը վնասվածքներ է ստացել հրդեհից, փաստ է, որ տանն այրված դիեր են եղել, բայց փաստ չէ՝ 15 զինծառայողները մահացել են հրդեհի հետևանքով, թե՞ այլ պատճառով: Եթե հրդեհի հետևանքով են մահացել, ապա որքանո՞վ է դա կապված Եղիշե Հակոբյանի ենթադրյալ գործողությունների կամ անգործության հետ: Սրանք հարցեր են, որոնք իրավական տեսանկյունից պետք է փաստարկվեն, սրանց վերաբերյալ սիրողական մակարդակի ենթադրություններ անելը ճիշտ չէ»,- ասաց Հովսեփ Սարգսյանը՝ նշելով, որ վարույթն իրականացնող մարմինը պետք է հիմնավորի Եղիշե Հակոբյանին վերագրվող արարքի և զինծառայողների մահվան միջև պատճառահետևանքային կապի առկայությունը:

Մեր հարցին՝ Եղիշե Հակոբյանը չի՞ ընդունում, որ ինքն ավոտբենզին է օգտագործել, պաշտպանն ասաց, որ ինքն այդ հանգամանքի մասին խոսել չի կարող, քանի դեռ պաշտպանյալը ցուցմունք չի տվել: Պաշտպանը հայտնեց նաև, որ այս պահին Հակոբյանի նկատմամբ խափանման միջոց ընտրելու հարց չի քննարկվել:

Արաքս Մամուլյան