11.04.2026 | 20:51
ԻՔՄ-ն հրապարակել է Ազատության հրապարակում տեղի ունեցած հանրահավաքի մասնակիցների թիվը
Կիևում տեղի է ունենում Ուկրաինա-ԵՄ 24-րդ գագաթնաժողովը
Քաղաքականություն
03.02.2023 | 18:25
Եվրոպական խորհրդի ղեկավար Շառլ Միշելը ժամանել է Ուկրաինայի մայրաքաղաք։ Նրա հետ Կիևում են Եվրահանձնաժողովի նախագահ Ուրսուլա ֆոն դեր Լեյենը և 15 եվրահանձնակատարներ, գրում է BBC-ի ռուսական ծառայությունը։ Նրանք մասնակցելու են նախագահ Վլադիմիր Զելենսկիի հետ հանդիպմանը՝ ԵՄ-ին Ուկրաինայի անդամակցության հեռանկարների վերաբերյալ։ Սա ԵՄ-Ուկրաինա արդեն 24-րդ գագաթնաժողովն է, բայց ԵՄ-ի նման բարձր մակարդակի առաջին քաղաքական առաքելությունն է պատերազմող երկրում։ «Մենք անդրդվելի կլինենք մեր վճռականության մեջ։ Մենք աջակցում ենք նաև ձեր յուրաքանչյուր քայլին դեպի ԵՄ», – Կիև ժամանելուն պես թվիթերում գրել է Միշելը:
Եվրոպացի պաշտոնյաների խոսքով՝ գագաթնաժողովի հիմնական թեմաները կլինեն Ուկրաինայի՝ ԵՄ-ին անդամակցելու գործընթացը, եվրոպական դաշինքի արձագանքը Ուկրաինայի դեմ Ռուսաստանի Դաշնության սանձազերծած լայնածավալ պատերազմին, համագործակցությունը երկրի վերականգնման, էներգետիկայի և կապի ոլորտում համագործակցության, պարենային գլոբալ անվտանգության ոլորտում։ Եվրոպական պատվիրակությունը մտադիր է Կիևում քննարկել նաև Արևմուտքում սառեցված ռուսական ակտիվների օգտագործման հնարավորությունը։
Էմմա Չոբանյան
