11.04.2026 | 20:51
ԻՔՄ-ն հրապարակել է Ազատության հրապարակում տեղի ունեցած հանրահավաքի մասնակիցների թիվը
ԱՄՆ-ն մտադիր է զարգացնել համագործակցությունն Ադրբեջանի հետ․Պետքարտուղարության պաշտոնյան Բաքվում է
Քաղաքականություն
03.02.2023 | 15:46
ԱՄՆ-ն շարունակելու է աջակցել Կասպից ծովում արդյունահանվող բնական գազի Եվրոպա փոխադրմանը և օգնելու է Ադրբեջանին այդ հարցում։ Այս մասին հայտարարել է ԱՄՆ պետքարտուղարի էներգետիկ դիվանագիտության հարցերով օգնականի տեղակալ Լաուրա Լոհմանը․ գրում են ադրբեջանական լրատվականները։
«ԱՄՆ-ն մտադիր է զարգացնել համագործակցությունը Ադրբեջանի հետ։ Նախագահ Ջո Բայդենն աջակցում է Կասպից ծովից Եվրոպա գազի արտահանմանը»,- ասել է Լոհմանը Հարավային գազային միջանցքի խորհրդատվական խորհրդի իններորդ նախարարական և Կանաչ էներգետիկայի խորհրդատվական խորհրդի առաջին նախարարական հանդիպման ժամանակ:
Նրա խոսքով` Հարավային գազային միջանցքը «շատ կարևոր նախագիծ է Եվրոպայի համար, և Ադրբեջանը առաջատար դեր է խաղում մայրցամաքի էներգետիկ անվտանգության ապահովման գործում»։
«Սակայն այն կարևոր դեր է խաղում Եվրոպայի ոչ միայն էներգետիկ, այլև քաղաքական անվտանգության ամրապնդման գործում։ Այս նախագիծը համագործակցության հնարավորություններ է ստեղծում բազմաթիվ երկրների միջև, որոնց օգտագործումը ապահովում է տնտեսական աճ։ ԱՄՆ-ը կշարունակի աջակցել Կասպից ծովում արդյունահանվող բնական գազի Եվրոպա փոխադրմանը և օգնելու է Ադրբեջանին»,- ասել է Լոհմանը։ Նա նաև նշել է, որ ԱՄՆ-ն, հաշվի առնելով աշխարհում էկոլոգիական իրավիճակը, կարող է ներդրումներ անել Ադրբեջանում կանաչ էներգիայի ոլորտում։
Հիշեցնենք, որ նախօրեին Լոհմանը հանդիպել էր Ադրբեջանի նախագահ Իլհամ Ալիևին։
Էմմա Չոբանյան
