16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
«Ո՞վ եք արա, դուք»․ թեժ վիճաբանություն՝ ԱԺ-ում․ ՏԵՍԱՆՅՈՒԹ
Քաղաքականություն
03.02.2023 | 13:22
ԱԺ «Հայաստան» խմբակցության նախաձեռնությամբ շարունակվում են խորհրդարանական լսումները Ադրբեջանի կողմից Լաչինի միջանցքը փակելու վերաբերյալ խմբակցության ներկայացրած ԱԺ հայտարարության նախագծի առնչությամբ։
Լսումներին մասնակցում էր նաև «Քաղաքացիական պայմանագիր» խմբակցության պատգամավոր Գուրգեն Արսենյանը: Նրա ելույթի ժամանակ իրավիճակն ԱԺ-ում լարվեց։
«Ցանկանում էի լսել քաղաքական մտքի դրսևորում, սակայն պատահականորեն լսեցի վռնդվածների կողմից վռնդելու հոխորտանք։ Դուք տե՞ր եք ձեր սպառնալիքներին, ձեր ասած խոսքերին տե՞ր եք: Նստած հաթաթաներ եք տալիս․․․ Առաջնայնությունները ճիշտ դրեք, ճի՛շտ պատկերացրեք․․․», – դիմելով ընդդիմությանը՝ ասաց իշխանական պատգամավորը՝ հայտարարելով, թե ընդդիմության դատավճիռը տվել է ժողովուրդը ընտրությունների ժամանակ:
Դահլիճից արձագանքեցին Արսենյանի հայտարարություններին։
«Դուք ի՞նչ կապ ունեք իմ ընտանիք հարաբերությունների հետ։ Ձեզ թվում է, թե դուք տրիբունալի մասնակի՞ց եք։ Ո՞վ եք, արա, դուք։ Դատավարություն եք անո՞ւմ»,- նշեց Արսենյանը։
Լսումները վարող Սեյրան Օհանյանը հորդորեց լռել ու թույլ տալ Արսենյանին շարունակել խոսքը, իսկ Արսենյանին հորդորեց խոսել քննարկվող Լաչինի միջանցքի թեմայի շուրջ և վիճաբանություն չհրահրել։
Մանրամասները՝ տեսանյութում։
