08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Չինաստանի ԱԳՆ-ն արձագանքել է ԱՄՆ երկնքում չինական հսկայական լրտեսական օդապարիկ հայտնաբերելու մասին լուրերին
Քաղաքականություն
03.02.2023 | 16:06
«Չինական լրտեսական օդապարիկի մասին շահարկումները, քանի դեռ բոլոր մանրամասները պարզ չեն, չեն նպաստում խնդրի լուծմանը»,- ուրբաթ օրը կայացած ճեպազրույցում հայտարարել է Չինաստանի ԱԳՆ խոսնակ Մաո Նինգը, փոխանցում է ՌԻԱ Նովոստին։ Ուզում եմ ընդգծել, որ շահարկումներն ու մեծ աղմուկ բարձրացնելը, քանի դեռ փաստերը հայտնի չեն դարձել, (խնդիրը) լուծելու պատշաճ ձև չէ», – ասել է դիվանագետը՝ մեկնաբանելով հետախուզական օդապարիկի հայտնաբերման մասին հաղորդագրությունները։
Ավելի վաղ Պենտագոնի ներկայացուցիչը հայտնել էր, որ ԱՄՆ-ի երկնքում հետախուզական օդապարիկ է նկատվել։ Զինվորականները կարծում են, որ այն պատկանում է Չինաստանին, նախագահ Ջո Բայդենը տեղեկացված է իրավիճակի մասին, Վաշինգտոնը կապ է հաստատել նաև Պեկինի հետ։ Նրանք չեն խոցել օդապարիկը խաղաղ բնակիչների համար վտանգի պատճառով, Պենտագոնի տվյալներով՝ օբյեկտն օդում վտանգ չի ներկայացնում։
Տաթև Ֆռանգյան
