15.01.2025 | 09:46
«Խաղաղության խաչմերուկ»-ը միանգամայն ճիշտ և իմաստուն պատասխան է Ադրբեջանի պահանջներին․ Շտեֆան Մյուլլեր-Ալտերմատ
Լաչինի միջանցքի հարցը մնում է ներքաղաքական դաշտում․ մենք կարող ենք փոփոխություն մտցնել․ Թևանյան․ ՏԵՍԱՆՅՈՒԹ
Քաղաքականություն
03.02.2023 | 11:59
ԱԺ «Հայաստան» խմբակցության նախաձեռնությամբ մեկնարկել են խորհրդարանական լսումներ` Ադրբեջանի կողմից Լաչինի միջանցքը փակելու վերաբերյալ խմբակցության ներկայացրած ԱԺ հայտարարության նախագծի առնչությամբ։
«Մենք կարծում ենք, որ Արցախի ինքնորոշման իրավունքի հետապնդումը պետք է լինի ՀՀ քաղաքական օրակարգում»,- այս մասին ԱԺ ընդդիմադիր՝ «Հայաստան» խմբակցության նախաձեռնած խորհրդարանական լսումների ժամանակ հայտարարեց խմբակցության պատգամավոր Անդրանիկ Թևանյանը։
«Մենք համոզված ենք, որ Արցախը չի կարող լինել Ադրբեջանի կազմում։ ՀՀ–ն հանձնառություն ունի Արցախի անվտանգությանը տեր կանգնելու։ Հենց այս կետերի շուրջ իշխանությունները մեզ հետ համաձայն չեն։
Հայաստանի իշխանությունների համար Արցախի ինքնորոշման հարց չպետք է լինի օրակարգում, այդպիսով, փաստորեն, իշխանությունը հրաժարվում է այն օրենսդրությամբ նախատեսված պարտավորությունից։
ՀՀ իշխանություններն առևտրի առարկա են դարձրել Հայաստանի և Արցախի գոյությունը։ Ավելին, ըստ նրա, եթե նայենք Արևմուտք–ՌԴ հակադրությանը և թե ով ինչ դիրքորոշում է բռնել, ապա կտեսնենք, որ ՌԴ ռազմավարական դաշնակից Հայաստանը, ամենաշատն է միացած արևմտյան կոալիցիային` մինչդեռ մեր խնդիրը պետք է լիներ դուրս գալ բախման արանքից»,- նշեց Թևանյանը։
Պատգամավորի կարծիքով` Լաչինի հետ կապված խնդիրներն առայժմ գտնվում են ներքաղաքական կյանքում և եթե հաջողվի լայն կոնսոլիդացիայի միջոցով Հայաստանի քաղաքականության մեջ փոփոխություն մտցնել, ապա կարող են նաև Լաչինում իրավիճակը փոխել:
Թևանյանն ընդգծեց, որ ՀՀ իշխանությունները Ղարաբաղը դիտարկում են որպես Ադրբեջանի մաս, իսկ ընդդիմությունը` ոչ։
Մանրամասները՝ տեսանյութում։
