14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱՄՆ-ն Ուկրաինային հեռահար ռումբեր կմատակարարի
Քաղաքականություն
03.02.2023 | 12:45
Ամիսներ տևած տանջալից քննարկումներից հետո ԱՄՆ-ը համաձայնել է հեռահար ռումբեր ուղարկել Ուկրաինա, քանի որ Կիևը պատրաստվում է գարնանային հարձակման՝ անցյալ տարի Ռուսաստանի կողմից գրավված տարածքները հետ գրավելու համար, գրում է VOA-ն։
Այս մասին հայտարարել են ԱՄՆ-ի պաշտոնյաները՝ հաստատելով, որ նոր սպառազինությունը մոտավորապես կկրկնապատկի հարձակողական սպառազինությունների շրջանակը, որը նախկինում մատակարարել է Վաշինգտոնը։
ԱՄՆ-ը ցամաքային ռումբեր կմատակարարի որպես 2,17 միլիարդ դոլար արժողությամբ օգնության փաթեթի մաս: Փաթեթն առաջին անգամ ներառում է սարքավորումներ՝ արևմտյան դաշնակիցների կողմից մատակարարվող հակաօդային պաշտպանության տարբեր համակարգերը կապելու և դրանք Կիևի սեփական ՀՕՊ համակարգերում ինտեգրելու համար՝ օգնելու Ուկրաինային ավելի լավ պաշտպանվել ռուսական շարունակվող հրթիռային հարձակումներից:
Ամիսներ շարունակ ԱՄՆ իշխանությունները վարանում էին Ուկրաինա ուղարկել հեռահար զենքի համակարգեր՝ վախենալով, որ դրանք կօգտագործվեն Ռուսաստանի ներսում գտնվող թիրախների դեմ՝ սրելով հակամարտությունը և ԱՄՆ-ին ավելի ներքաշելով դրա մեջ։
Հավելենք, որ հեռահար ռումբերը ևս մեկ ժամանակակից սպառազինության համակարգ են՝ Աբրամս տանկերից և Patriot հակահրթիռային համակարգերից հետո, որոնք ԱՄՆ-ն ի վերջո համաձայնեց տրամադրել Ուկրաինային՝ սկզբում մերժելուց հետո: Միաժամանակ, ամերիկացի պաշտոնյաները շարունակում են մերժել կործանիչներ տրամադրելու Ուկրաինայի խնդրանքները։
Տաթև Ֆռանգյան
