16.01.2026 | 18:02
Արդարացվել են Ստեփանակերտի քաղաքապետը և ավագանու հինգ անդամները
Բեռլինը մտադիր է Ուկրաինային նաև Leopard 1 մարտական տանկեր փոխանցել․Süddeutsche Zeitung
Քաղաքականություն
03.02.2023 | 13:51
Գերմանիայի կառավարությունը մտադիր է հավանություն տալ Ուկրաինային Leopard 1 մարտական տանկերի փոխանցմանը արդյունաբերական պաշարներից, հայտնում Süddeutsche Zeitung-ը, որին վկայակոչում է DW-ի ռուսական ծառայությունը։ Կիևին այս տանկերի փոխանցումը պաշտոնապես դեռ հաստատված չէ։ Այս մասին էլ հայտնում է dpa գործակալությունը՝ կառավարական շրջանակներում իր աղբյուրներին հղումով։
Süddeutsche Zeitung-ը նշում է, որ գերմանական Rheinmetall և Flensburger Fahrzeugbau Gesellschaft ընկերությունները առաջիկայում կարող են Ուկրաինա ուղարկելու համար տասնյակ Leopard 1 տանկեր պատրաստել, սակայն զինամթերքի գնման հետ կապված խնդիրները դեռ լուծված չեն։ Հիշեցնենք, որ անցյալ շաբաթ Բեռլինը որոշել էր Ուկրաինային մատակարարել 14 Leopard 2 հիմնական մարտական տանկեր Բունդեսվերի պահեստներից։
Էմմա Չոբանյան
