16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Պետք է խուսափել Ռուսաստանի և ՆԱՏՕ-ի միջև պատերազմի տանող էսկալացիայից․ Շոլց
Քաղաքականություն
03.02.2023 | 12:56
Գերմանիան բոլոր ջանքերը կգործադրի՝ խուսափելու էսկալացիայից, որը կհանգեցնի Ռուսաստանի և ՆԱՏՕ-ի միջև պատերազմի։ Այսպիսի հայտարարություն է արել Գերմանիայի կանցլեր Օլաֆ Շոլցը Մարբուրգում «Քաղաքացիական երկխոսություն» միջոցառման հյուրերի հետ հանդիպման ժամանակ, գրում է DW-ի ռուսական ծառայությունը։
«ՆԱՏՕ-ի և Ռուսաստանի միջև պատերազմը սարսափելի իրադարձություն կլինի,- հավելել է Գերմանիայի կառավարության ղեկավարը,- մենք պատասխանատվություն ենք կրում ապահովելու, որ նման էսկալացիա տեղի չունենա»:
Ավելի վաղ՝ փետրվարի 2-ին, ՌԴ նախագահ Վլադիմիր Պուտինը Ստալինգրադի ճակատամարտի 80-ամյակի հիշատակի միջոցառումների ժամանակ մեկնաբանելով Բեռլինի որոշումը՝ Ուկրաինային Leopard 2 մարտական տանկեր մատակարարելու և այլ երկրներին նմանատիպ մատակարարումներ թույլ տալու մասին, ասել էր. «Մենք պատասխանելու բան ունենք, և զրահատեխնիկայի կիրառմամբ գործը չի ավարտվի։ Անհավանական է, բայց իրական. մեզ կրկին սպառնում են գերմանական Leopard տանկերը»,- ասել է Պուտինը։
Ավելի ուշ նրա մամուլի քարտուղար Դմիտրի Պեսկովը լրագրողներին պարզաբանել է, թե ինչ նկատի ուներ Ռուսաստանի Դաշնության նախագահը. «Ռուսաստանն ունի խորը ներուժ: Քանի որ ի հայտ են գալիս հավաքական Արևմուտքի կողմից մատակարարվող նոր զենքեր, Ռուսաստանը կօգտագործի իր ողջ ներուժը հատուկ ռազմական օպերացիայի ընթացքում պատասխանելու համար»:
Տաթև Ֆռանգյան
