24.06.2026 | 21:09
Ադրբեջանի ԱԳՆ-ն դատապարտել է Արցախի հայերի ու գերիների վերաբերյալ պաշտոնական Փարիզի հայտարարությունները
Լավրովի հայտարարությունը հայամետ չէր. Հայկ Մամիջանյան․ ՏԵՍԱՆՅՈՒԹ
Քաղաքականություն
03.02.2023 | 11:35
Առաջին հերթին անընդունելի է հավասարության նշանները Արցախի 7 շրջանների հայկական Շուշիի, Հադրութի և մի շարք այլ բնակավայրերի օկուպացիայի միջև։ Անդրադառնալով ՌԴ ԱԳ նախարարի երեկվա հայտարարությանը՝ խորհրդարանում լրագրողների հետ զրույցում ասաց «Պատիվ ունեմ» խմբակցության ղեկավար Հայկ Մամիջանյանը։
«Դա անընդունելի է։ Այս պահին Ադրբեջանն օկուպացրել է հայկական բնակավայրերը։ Թեև Լավրովը խոսեց Ալմա-Աթայի հռչակագրի մասին, որը բանակցային գործընթաց է ներմուծվել Փաշինյանի խմբակի կողմից՝ Արարատ Միրզոյանի հայտարարությունով։ 30 տարի շարունակ Ալմա-Աթայի մասին որևէ ադրբեջանցի երբեք չի խոսել, այնուամենայնիվ, Ալմա-Աթայի հռչակագիրը ղարաբաղյան հակամարտության կարգավորման հետ որևէ աղերս ունենալ չի կարող», – նշեց պատգամավորը։
Նրա դիտարկմամբ դրա պատճառներից մեկն այն է, որ այդ հռչակագիրը Հայաստանն ընդունել է վերապահումով, որը վերաբերում է ինքնորոշման հարցին։ «Եվ երկրորդ՝ այն պահին, երբ կնքվել է Ալմա-Աթայի հռչակագիրը, ԼՂ-ն միջազգային իրավունքի, խորհրդային Սահմանադրության բոլոր նորմերի համապատասխանությամբ արդեն իսկ իրականացրել է անկախության հանրաքվե», – նշեց Մամիջանյանը՝ հավելելով, թե չի հիշում որևէ դեպք, երբ պաշտոնական Երևանի դիրքորոշումները որակվեին ապակառուցողական՝ ՀՀԿ-ի իշխանության ժամանակաշրջանում։
Մանրամասները՝ տեսանյութում։
