07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ուկրաինան արժանի է ԵՄ անդամակցության բանակցություններին․ Զելենսկի
Քաղաքականություն
03.02.2023 | 12:22
Ուկրաինան արժանի է այս տարի բանակցություններ սկսել Եվրամիությանն իր անդամակցության շուրջ։ Նման կարծիք է հայտնել Ուկրաինայի նախագահ Վլադիմիր Զելենսկին հինգշաբթի օրը՝ փետրվարի 2-ի իր երեկոյան տեսաուղերձում՝ Եվրահանձնաժողովի ղեկավար Ուրսուլա ֆոն դեր Լեյենի հետ Կիևում հանդիպումից հետո, գրում է DW-ի ռուսական ծառայությունը։
Զելենսկու խոսքով՝ Ուկրաինայի և ԵՄ-ի ղեկավարությունը համաձայն են, որ հետագա ինտեգրումը իր ժողովրդին կտա «եռանդ և մղում պայքարելու՝ առանց նայելու խոչընդոտներին և սպառնալիքին»։
Փետրվարի 3-ին Կիևում կկայանա ԵՄ-Ուկրաինա գագաթնաժողովը, որին կմասնակցեն Ուրսուլա ֆոն դեր Լեյենը, ինչպես նաև՝ ԵՄ խորհրդի ղեկավար Շառլ Միշելը։
Հիշեցնենք՝ Ռուսաստանի հետ պատերազմի մեջ գտնվող Ուկրաինան 2022 թվականի հունիսին ստացավ ԵՄ թեկնածու երկրի պաշտոնական կարգավիճակ։ Մինչդեռ ԵՄ-ի լիիրավ անդամ դառնալու համար կարող են տարիներ պահանջվել, հիշեցնում են դիտորդները։
Տաթև Ֆռանգյան
