03.09.2026 | 11:33
ՀՀ-ի՝ ԵՄ-ին անդամակցության հարցը Երևանի գործն է․ Օվերչուկ
«Միջազգային գործընկերների հետ համատեղ քննարկվում է արոտների կառավարման նոր մոդելների ու մեխանիզմների կիրառման հնարավորությունը»․ Արման Խոջոյան
Տնտեսություն
02.02.2023 | 16:07
Ս.թ. փետրվարի 2-ին, կայացել է «ՀՀ բնական կերհանդակների՝ արոտավայրերի և խոտհարքների կայուն կառավարմանն ուղղված ծրագրերի համակարգման հարթակ»-ի 10-րդ աշխատաժողովը, որին ներկա էին ՀՀ Էկոնոմիկայի, ՀՀ Տարածքային կառավարման և ենթակառուցվածքների, ՀՀ Շրջակա միջավայրի նախարարության ներկայացուցիչները, ՀՀ Շիրակի, ՀՀ Սյունիքի, ՀՀ Վայոց ձորի, ՀՀ Լոռու մարզպետարանի, գիտական կառույցների, տեղական և միջազգային հասարակական կազմակերպությունների ներկայացուցիչներ․ տեղեկացնում են ՀՀ Բնական կերհանդակների՝ արոտավայրերի և խոտհարքների կայուն կառավարմանն ուղղված ծրագրերի համակարգման հարթակից։
Աշխատաժողովը մեկնարկեց ՀՀ Էկոնոմիկայի փոխնախարար՝ Արման Խոջոյանի ողջույնի խոսքով, ով իր խոսքում ամդրադարձ կատարեց արոտների կայուն կառավարման կարևորությանը և «Համայնքների Գյուղատնտեսական Ռեսուրսների Կառավարման և Մրցունակության» Երկրորդ ծրագրի (ՀԳՌԿՄ 2) ավարտով պայմանավորված «ՀՀ բնական կերհանդակների՝ արոտավայրերի և խոտհարքների կայուն կառավարմանն ուղղված ծրագրերի համակարգման հարթակ»-ում ՀՀ Էկոնոմիկայի նախարարության դերակատարությանը։
«Ներկայում միջազգային գործընկերների հետ համատեղ քննարկվում է արոտների կառավարման նոր մոդելների ու մեխանիզմների կիրառման հնարավորությունը», – նշեց Արման Խոջոյանը։
Աշխատաժողովի ընթացքում ՀՀ էկոնոմիկայի նախարարության, ՀՀ տարածքային կառավարման և ենթակառուցվածքների նախարարության և ՀՀ Շրջակա միջավայրի նախարարության ներկայացուցիչները հանդես եկան զեկույցով՝ «Արոտավայրերի բարելավման ուղղությամբ իրականացված աշխատանքները» թեմայով։
Աշխատաժողովի ընթացքում ամփոփվեցին արոտավայրերի բարելավման ուղղությամբ իրականացված ծրագրերի արդյունքներն ու ներկայացվեցին արոտավայրերի բարելավման ուղղությամբ իրականացվող նոր ծրագրեր:
ՀՀ Բնական կերհանդակների՝ արոտավայրերի և խոտհարքների կայուն կառավարմանն ուղղված ծրագրերի համակարգման հարթակը հանդիսանում է «Ռազմավարական զարգացման գործակալություն» (ՌԶԳ) ՀԿ-ի, ԳՄՀԸ կողմից իրականացվող բնապահպանական ծրագրերի, ինչպես նաև ՀՀ Էկոնոմիկայի նախարարության համատեղ նախաձեռնություն:
