08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ավստրիան արտաքսել է չորս ռուս դիվանագետի
Քաղաքականություն
02.02.2023 | 15:51
Ավստրիան չորս ռուս դիվանագետի «պերսոնա նոն գրատա» է հայտարարել և կարգադրել նրանց լքել երկիրը մինչև փետրվարի 9-ը։ Այս մասին հայտնել է Ավստրիայի ԱԳՆ մամուլի ծառայությունը։ Երկուսը Վիեննայում ՌԴ դեսպանատան դիվանագետներ են, ևս երկուսը՝ Ավստրիայում ՄԱԿ-ի գործակալություններից մեկի աշխատակիցներ, գրում է DW-ի ռուսական ծառայությունը։
Ավստրիայի ԱԳՆ-ն երկու դիվանագետի մեղադրել է «դիվանագիտական կարգավիճակի հետ անհամատեղելի գործողությունների», իսկ ՄԱԿ-ի ռուսական առաքելության երկու աշխատակցի՝ «շտաբի համաձայնագրին անհամատեղելի գործողությունների մեջ»։
Վերջին անգամ Ավստրիան ռուսական առաքելությունների աշխատակիցների արտաքսել էր 2022 թվականի ապրիլին․ այդ ժամանակ Վիեննայում դեսպանատան երեք աշխատակից և Զալցբուրգում գլխավոր հյուպատոսության մեկ դիվանագետ էր ուղարկվել Ռուսաստան: ՌԴ ԱԳՆ-ն պատասխանել էր հայելային՝ վտարելով Ավստրիայի դեսպանատան չորս աշխատակցի։
Տաթև Ֆռանգյան
