28.04.2026 | 17:39
«Ականատես» դիտորդական առաքելությունն ահազանգում է դպրոցներում քաղաքական քարոզչության և երեխաների ներգրավման դեպքերի մասին
Ֆրանսիան ևս փակել է Ստամբուլում իր հյուպատոսությունը
Քաղաքականություն
02.02.2023 | 17:40
Ֆրանսիայի հյուպատոսությունը, որը գտնվում է Ստամբուլի խիտ բնակեցված Բեյօղլու թաղամասի կենտրոնում, ևս փակվել է անվտանգության նկատառումներից ելնելով, հայտնում են թուրքական լրատվամիջոցները։ «Ժամանակավորապես փակ է, շնորհակալություն ըմբռնման համար» ․ նման գրությամբ ցուցանակ է փակցվել հյուպատոսության դռանը։ Ֆրանսիական Պիեռ Լոտի դպրոցը ևս դադարեցրել է ուսուցումը Բեյօղլուիի իր ճամբարում այն բանից հետո, երբ եվրոպական մի շարք մայրաքաղաքներում Ղուրանի այրման դեպքերը դժգոհության ալիք են բարձրացրել Թուրքիայում։
Հիշեցնենք, որ ավելի վաղ անվտանգության նկատառումներից ելնելով Ստամբուլում իրենց գլխավոր հյուպատոսությունները փակել էին Գերմանիան, Մեծ Բրիտանիան, Նիդերլանդները։
Հավելենք, որ ԱՄՆ-ը, Գերմանիան, Ֆրանսիան, Իտալիան և Կանադան զգուշացրել են Թուրքիայում գտնվող իրենց քաղաքացիներին ահաբեկիչների կողմից հնարավոր պատասխան հարձակումների մասին։ ԱՄՆ դեսպանատունն էլ հայտարարել է, որ հարձակումները կարող են տեղի ունենալ հատկապես Ստամբուլի Բեյօղլու, Գալաթա, Թաքսիմ և Իսթիքլալ թաղամասերում՝ շրջաններ, որտեղ հաճախ այցելում են զբոսաշրջիկները:
Էմմա Չոբանյան
