14.05.2026 | 11:15
Ընտրակաշառք տալու գործով երեկ ձերբակալված անձանցից երկուսը կալանավորվել են, մեկի նկատմամբ կիրառվել է տնային կալանք
Մեզ արդեն դժվար է կողմնորոշվել հետագա քայլերի հարցում․ Լավրովը՝ ԼՂ հակամարտության ու ՀԱՊԿ-ի մասին․ ՏԵՍԱՆՅՈՒԹ
Քաղաքականություն
02.02.2023 | 14:18
ՌԴ ԱԳՆ ղեկավար Սերգեյ Լավրովը հայտարարել է, որ ՌԴ-ի համար դժվար է որոշել իր հետագա քայլերն, այն բանից հետո, երբ Հայաստանն ու Ադրբեջանը Եվրամիության հետ միասին փաստաթուղթ են ստորագրել խաղաղության պայմանագիր կնքելու պատրաստակամության մասին՝ 1991 թվականի Ալմա-Աթայի հռչակագրում նշված պայմաններով։
«Հիմա երբ Հայաստանն ու Ադրբեջանը Եվրամիության հետ միասին փաստաթուղթ են ստորագրել խաղաղության պայմանագիր կնքելու պատրաստակամության մասին՝ 1991 թվականի Ալմա-Աթայի հռչակագրում նշված պայմաններով, Մոսկվայի համար ինչ-որ կերպ դժվար է որոշել հետագա քայլերը: Որովհետև Ալմա-Աթայի հռչակագրում ասվում է, որ նոր անկախ պետությունների միջև սահմաններն անցնելու են Խորհրդային Միության, միութենական հանրապետությունների, այդ թվում՝ Հայկական ԽՍՀ-ի և Ադրբեջանական ԽՍՀ-ի վարչական սահմաններով, որոնք ներառում էին Լեռնային Ղարաբաղի Ինքնավար Մարզը։ Այստեղ, ամեն դեպքում, իրավիճակը բազմաշերտ է»,- հայտարարել է Լավրովը նշելով, որ չնայած սրան՝ ՀԱՊԿ-ն այս ոչ պարզ իրավիճակում խաղաղապահ օպերացիա տեղակայելու ծրագիր է մշակել։
«Այդ առաջարկն մինչ այս պահը սեղանին է։ Եվ եթե մեր հայ ընկերները, դաշնակիցները նախկինի նման դրանում շահագրգռված լինեն, ապա այդ առաքելությունը կարող է տեղակայվել 1-2 օրվա ընթացքում»,-ասել է Լավրովը։
Մանրամասները՝ տեսանյությում:
Տաթև Ֆռանգյան
