28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Փորձ է արվում մեղքը բարդել հաղթած բանակի գեներալի վրա. Արծվիկ Մինասյանը` Սեյրան Օհանյանի գործի մասին․ ՏԵՍԱՆՅՈՒԹ
Քաղաքականություն
02.02.2023 | 13:49
«Սեյրան Օհանյանի վերաբերյալ երեք միջնորդություն է ներկայացվել, որոնցից երկուսը հրապարակվել են։ Երրորդ գործին գաղտնիքի սահմանափակման պայմաններում կարող են ծանոթանալ միայն նրանք, ովքեր ունեն պետական գաղտնիքի թույլտվության իրավունք։
Սեյրան Օհանյանը չունի այդ իրավունքը, թեև դիմել է և ստացել մերժում։ Աբսուրդ է, որ հիմա նրա հարցն է քննարկվելու և ներկայացվելու է մի միջնորդություն, որին ինքն իրավունք չունի ծանոթանալու»,- ԱԺ-ում լրագրողների հետ զրույցում այս մասին նշեց «Հայաստան» խմբակցության պատգամավոր Արծվիկ Մինասյանը։
Հիշեցնենք, որ գլխավոր դատախազ Աննա Վարդապետյանն ԱԺ «Հայաստան» խմբակցության ղեկավար Սեյրան Օհանյանին որպես մեղադրյալ ներգրավելու համաձայնություն տալու երեք միջնորդագրեր է ներկայացրել Ազգային ժողովին, որոնցից մեկը չի հրապարակվել։
Արծվիկ Մինասյանի խոսքով՝ այդ գործերից մեկի գաղտնի լինելու որոշումը կայացնելու իրավասություն ունեն քննչական մարմինները, ԱԱԾ-ն։
Հարցին, թե ինչին է առնչվում այդ գործը, Մինասյանը չպատասխանեց՝ նշելով․ «Եթե ասեմ ինչին է առնչվում, գաղտնիքը կբացահայտվի։ Միայն կարող եմ ասել, որ մամուլում հայտնի դեպքերից մեկն է․ փորձ է արվում մեղքը բարդել հաղթած բանակի գեներալի՝ նախկին պաշտպանության նախարարի վրա։
Իրավական առումով սա անգրագիտություն է, իսկ քաղաքական առումով՝ հստակ ուղղորդում։
Այդպես է նաև առաջին երկու գործերի պարագայում»։
Մանրամասները՝ տեսանյութում։
