01.11.2024 | 19:22
Գյումրիի ավագանու «Բալասանյան դաշինքը» 13 թափուր մանդատ ունի, 1 թեկնածու մանդատ է վերցրել
Փաշինյանը մեկնել է Ղազախստան․ ՊՆ-ն նոր եռամսյա հավաքներ է անցկացնում․ Լուրեր
Քաղաքականություն
02.02.2023 | 13:10
- Պաշտպանության նախարարությունը հայտարարում է նոր վարժական հավաքներ անցկացնելու մասին։ Յուրաքանչյուր քաղաքացի վարժանքերին կմասնակցի 25 օր։ Դրանք մեկնարկելու է 2023 թվականի մարտի 1-ին և շարունակվելու են մինչև մայիսի 12-ը ներառյալ: Հավաքներին ընդհանուր մասնակցելու է մինչև 3281 քաղաքացի։ Հավաքների մասնակիցները ընդգրկվելու են նաև մարտական հերթապահության։
- Նախագահի հրամանագրերով փոխվել է ԶՈՒ հատուկ բանակային կորպուսի հրամանատարությունը։ Կորպուսի հրամանատարի պաշտոնից ազատվել է Արտակ Բուդաղյանը, նրա փոխարեն նշանակվել է Արմեն Գյոզալյանը՝ ազատվելով ԶՈՒ գլխավոր շտաբի պետի տեղակալի պաշտոնից։ Սամվել Պողոսյանն ազատվել է Հատուկ բանակային կորպուսի հրամանատարի տեղակալի, Բագրատ Մաթևոսյանը՝ կորպուսի շտաբի պետի պաշտոններից: Նրանց փոխարեն Գագիկ Պողոսյանը նշանակվել է Հատուկ բանակային կորպուսի հրամանատարի տեղակալ, իսկ Լևոն Կասյանը՝ Հատուկ բանակային կորպուսի շտաբի պետ։
- ՀՀ ՊՆ-ից հայտնել են, որ որպես ԶՈՒ բարեփոխում՝ նախաձեռնում են են զինծառայողների դաշտային, ամենօրյա, գրասենյակային, կուրսանտական և այլ համազգեստների փոփոխություն, և սրա շուրջ խորհրդատվական ծառայությունների մրցույթ են հայտարարել։
- Վարչապետ Նիկոլ Փաշինյանը փետրվարի 2-3-ն աշխատանքային այցով մեկնել է Ղազախստան, որտեղ մասնակցելու է Եվրասիական միջկառավարական խորհրդի հերթական նիստին։
Այս ժամի լուրերը՝ տեսանյութում։
